Thirrja e ipeshkvit për të rinjtë ditën e Shën Valentinit: Ju lutem mos ikni! Ejani të gëzojmë Shqipërinë

Thirrja e ipeshkvit për të rinjtë ditën e Shën Valentinit: Ju lutem mos ikni! Ejani të gëzojmë Shqipërinë

Ipeshkvi i Rrëshenit, Dom Gjergj Meta

Ipeshkvi i Rrëshenit, Dom Gjergj Meta ditën e Shën Valentinit ka një apel për të gjithë të rinjtë dhe të rejat që të mos largohen nga vendi duke lënë shtëpitë e pabanuara e qytetet fantazmë. Atyre që janë jashtë, ai u bën thirrje që të rikthehen në vendin e tyre, pasi sipas tij gjërat do të ndryshojnë nëse bëhemi bashkë të gjithë.

Postimi i plotë i Dom Gjergj Metës
Ju lutem mos ikni! Ju lutemi ejani!

E di se dikujt nuk i pelqen te degjoje perseri nga goja ime fjalet qe do them. Mund t'i duken të mërzitshme e bajate.

Por dua t'ju them nga thellësia e zemrës:

Mos ikni më nga Shqipëria! Ju lutem mos ikni! Mos t'i lejmë djerr tokat e shkret bjeshkët. Mos t'i lemë shtëpitë e pabanuara e qytetet fantazma. Mos të çrrënjosemi se nuk kemi ku ngulim rrënjë më. Këtu jemi dikushi e diku tjetër nuk jemi askushi. Në fund të fundit mos ta flakim tej historinë e familjeve e fiseve tona.

Edhe atyre që janë jashtë u them: ejani! Do të ndryshojnë gjërat po qemë bashkë të gjithë. Ne mund t'i ndryshojmë gjërat. Kthehuni e t'i banojmë edhe një herë fshatrat e qytezat tona. Keni punuar e po punoni. Ndër vite keni ndërtuar shtëpi këtu e tani i keni lënë bosh me ndonjë të moshuar brenda, por që nuk do të jetojë shumë. Kemi përgjegjësi për këtë vend e jo vetëm për vete e për familjet tona. Sa trishtim janë fshatrat tonë, lagjet e qytezat tona kur sheh se janë zbrazur apo me njerëz që duan të ikin.

Ta bëjmë Shqipërinë t'i gëzohet pranisë tonë si nëna fmijëve të saj.

Uroj më të mirat për ju të gjithë e i lutem Zotit për familjet tuaja! E shpresoj se do të tingëllojë sadopak në zemrat tuaja kjo fjalë.

Mbrëmje të bukur!

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Prifterinjte Lazaratas: 15/02/2020 11:05

    Hoxhallaret e prifterinjve e prifterinjte e hoxhallareve e kanë në terezi. Roli i kishes dhe xhamise eshte te ushqeje popullin. Pse nuk i strehuan njerezit e prekur nga termeti në kisha e xhamira?

    Përgjigju
  • atdhetari: 15/02/2020 07:28

    I nderuar zoti Meta, ben mire qe i ben thirrje te rinjve te qendrojne ketu por realiteti eshte shum e i hidhur. Ju nuk e dini se si ndihet nje prind qe i sheh femijet e tij te rritur e te shkolluar te papune, qe pas perpjekjeve per te mbaruar shkollen ne mes te cakenjve qe nuk te japin provime pa para, vazhdojne te ushqehen me pensionin e prinderve, se nuk kane pune. NUK KA PUNE, NUK KA SHPRESE.

    Përgjigju
  • Ju Lutem mos ikni..: 14/02/2020 23:22

    Ata pese leke qe i keni,mi dhuroni mua.Se keta politikanet Miliardere,sjapin asnje leke... Zoti na ndimofte ,,edhe pse me barkun boshe,,jemi mesuar ..

    Përgjigju
  • Sondazhi i ditës:

    Mendoni se komisionet hetimore për Shëndetësinë e TIMS do kenë rezultat?



×

Lajmi i fundit

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un

Koncesioni ‘politik’ PS-Rithemelimi, Korreshi në 'Frontline': Nuk do pengojmë SPAK-un