Rita Ora ka dhuruar një koncert madhështor sonte në sheshin ‘Skënderbej’. Këngëtarja shqiptare me famë botërore ishte veshur me flamurin kuqezi dhe performancën e nisi me këngën 'Ritual', të cilën e ka në bashkëpunim me DJ Tiesto. Para dhjetëra qytetarëve që ishin mbledhur për të ndjekur koncertin e saj foli në gjuhën shqipe duke thënë: “Do të shijoj çdo minutë të këtij koncerti. Ju falenderoj që keni dalë nga shtëpia sonte për të më ndjekur”.
Gjatë performancës, Rita Ora kërceu vallen e Tropojës me muzikën e valles në sfond, ndërsa dha mesazhin se "Nuk do ju zhgënjej kurrë".
Pak minuta para se të dilte në skenë, bëri një postim në Instagram ku bëri thirrje që të gjithë të shkonin atje.
“Është dita e spektaklit! Ky udhëtim ka qenë i jashtëzakonshëm dhe mezi po pres për sonte! Sigurohuni që të vini shpejt në sheshin “Skënderbej” për të parë të gjitha artistet femra që do të performojnë sonte! Shihemi më vonë”, shkroi Rita.
Në koncertin që nisi prej orës 20:00 performuan edhe këngëtarë si Semi Jaupaj, Ronela Hajati, Kida dhe Efi Gjika. Këngëtarja Rita Ora zgjodhi që të merrnin pjesë vetëm vajza dhe gra. Në rikthimin për të tretën herë në Shqipëri në kuadër të Javës Kulturore Britanike, Rita tha se i është mirënjohës këtij vendi, pavarësisht se fillimet e saj nuk kanë qenë të lehta.
Në daljet publike këngëtarja që ishte e shoqëruar prindërit, u shpreh se dashurinë për Shqipërinë, traditat, gjuhën e deri edhe ushqimin e ka të kultivuar prej tyre. Pasi u dekorua me titullin “Naim Frashëri”, nga presidenti Bajram Begaj, artistja tha se ç’do të thotë për të ky titull, dhe vetë figura e Naim Frashërit.
“Titulli është një vlerësim shumë i madh. Nuk mund ta besoj që emri im të jetë përkrah një emri të madh historik. Dhe kjo ishte një surprizë shumë e madhe për mua. Më bën të ndihem krenare dhe falënderuese për një mirënjohje të tillë”, u shpreh Rita Ora.
Në pritje të albumit të ri që do të publikohet në janarin e vitit të ardhshëm, la të hapur mundësinë e bashkëpunimit me të tjerë artistë shqiptarë. Megjithatë rrëfeu se kapitulli i radhës për të, do të jetë i përqedruar tek kinematografia, por nuk dha detaje se në cilin film do ta shohim. Ndërsa sa i përket martesës së saj me regjisorin Taika Waititi, nuk jep shumë detaje, por as nuk e fsheh lumturinë.
Rita Ora gjatë performancës së sotme në sheshin Skëndrbej, ka kërcyer vallen e Tropojës me muzikën e valles në sfond, ku i ka kërkuar edhe publikut "të bëjë pak zhurmë". Më pas, ka kaluar në këngën hit "Black Widow".
Dhjetëra qytetarë janë mbledhur në sheshin ‘Skënderbej’ për të parë nga afër koncertin e Rita Orës, e cila tha: “Do të shijoj çdo minutë të këtij koncerti. Ju falenderoj që keni dalë nga shtëpia sonte për të më ndjekur”.
Më pas, gjatë performancës i ftonte qytetarët që të këndonin së bashku me të.
Rita Ora ka zgjedhur të vishet me ngjyrat kuqezi për të performuar në Tiranë. Stilistët ishin kujdesur që në body-n ë zezë ku dukej e qendisur shqiponja, të qepnin edhe flamurin e Shqipërisë.
Rita Ora elektrizoi sheshin Skënderbej me performancën e saj ndërsa e nisi koncertin me këngën “Ritual”.
Komente
Lajme të tjera
-
Magjia e Krishtlindjeve, qindra qytetarë shijojnë koncertin festiv në sheshin 'Skënderbej'! Veliaj: Kemi transformuar Tiranën
24 Dhjetor, 19:35 -
Vigjilja e Krishtlindjeve sjell trafik të rënduar në Tiranë e Vlorë, dyndje mjetesh në hyrje dhe dalje të kryeqytetit (VIDEO)
24 Dhjetor, 18:01 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Trafiku i rënduar, Report Tv sjell pamjet me dron, dyndje mjetesh në rrugët kryesore të Tiranës
24 Dhjetor, 16:19 -
Trafik i rënduar në aksin Tiranë-Elbasan, shqiptarët drejt Pogradecit e Korçës për festat e fundvitit
24 Dhjetor, 15:44 -
Kryeministri Rama ndan medaljet për 188 nxënës ekselentë: Jeni heronjtë e mi, ju kam zili! Manastirliu: Kini guxim të ëndërroni
24 Dhjetor, 11:59 -
Tiranë/ 22 vjeçari arrestohet brenda parkingut në QSUT, kapet me rreth 900 gr kokainë! I sekuestrohet municion luftarak në banesë
24 Dhjetor, 11:49 -
VIDEO/ 'Motërq***, b***q, a i çon lekë fëmijës... Hë e more rrogën sot?', Belind Këlliçi dështon sërish, nuk mbledh dot militantë e i hakërrehet policëve
24 Dhjetor, 11:36 -
Festat e fundvitit, fëmijët dhe prindërit e skuadrës së kryeministrisë festojnë së bashku
24 Dhjetor, 08:19 -
Tiranë/ Digjen 3 autobusë gjatë natës tek Ish-Uzina e Autotraktorit (VIDEO)
24 Dhjetor, 08:09 -
Mero Baze: Një hakmarrje ndaj qytetarëve që e kanë braktisur
24 Dhjetor, 07:02
-
Protesta e PD me bllokim rrugësh, Policia e Tiranës shoqëron 30 persona
23 Dhjetor, 22:13
Buke dhe cirk thote romaku
Përgjigju