POP 5

Lajmet më të lexuara të 5 minutave të fundit

Opinion

Thoma Gëllçi: 11 Janari, Dita e Republikës… që askush nuk e përmend!

Në kalendarin e Shqipërisë ka një datë që duket se ka humbur mes pluhurave të harresës – 11 Janari, dita kur Shqipëria u shpall Republikë në vitin 1946. Një ngjarje që dikur kumbonte në kujtesën historike të vendit, sot kalon si një hije e padukshme mes propagandës politike, kronikave të përgjakura dhe fotove të liderëve në Instagram.

Thoma Gëllçi: 11 Janari, Dita e Republikës… që askush nuk e përmend!

11 janar 1946 kur Shqipëria u shpall Republikë

Në kalendarin e Shqipërisë ka një datë që duket se ka humbur mes pluhurave të harresës – 11 Janari, dita kur Shqipëria u shpall Republikë në vitin 1946. Një ngjarje që dikur kumbonte në kujtesën historike të vendit, sot kalon si një hije e padukshme mes propagandës politike, kronikave të përgjakura dhe fotove të liderëve në Instagram.

Dikur, në këtë datë, historianët flisnin për shpalljen e një epoke të re. Sot, politikanët janë shumë të zënë duke shpallur tendera, duke inauguruar rrugë që janë shtruar për herë të gjashtë, ose duke mbledhur like në rrjetet sociale. Republika? Një koncept shumë i komplikuar për TikTok-un e sotëm.

Kjo heshtje universale – nga qeveria, opozita, dhe mediat – është një testament i asaj që shqiptarët tashmë e dinë: kemi harruar jo vetëm historinë, por edhe vetë idenë e asaj që do të thotë Republikë. Në vend të një kujtimi për popullin, Republika është bërë një koncept abstrakt, si barazia, demokracia, ose autobusi urban që vjen në kohë – ekziston në teori, por jo në praktikë.

Pse askush nuk e përmend këtë datë? Ndoshta sepse kujton njerëzit për diçka të bezdisshme: se dikur Republika u shpall në emër të popullit, por sot ajo ekziston në emër të oligarkëve dhe klaneve politike. Festa e Republikës duket e papërshtatshme kur Republika vetë është kthyer në një “shpk”.

Nga ana tjetër, mediat janë shumë të zëna me lajme të tjera. Një influencer ka postuar një foto të re, një deputet është parë në Dubai, dhe një artist ka bërë një deklaratë kontroverse për politikën kulturore. Republika? Nuk klikon. Nuk shitet. Nuk ka “engagement”.

Mbase, në një mënyrë, kjo heshtje është simboli më i mirë për gjendjen aktuale të Republikës. Si vetë 11 Janari, ajo ekziston, por askush nuk e vë re. Dhe ashtu siç 11 Janari kalon pa u përmendur, edhe Republika kalon çdo ditë pa u ndjerë.

Gëzuar 11 Janarin, Republika jonë e harruar! Ndoshta, vitin tjetër, do të kujtohemi të bëjmë një postim… të paktën në Instagram.

G.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • - qytetari: 11/01/2025 17:54

    Kush e shpalli republiken? U be ndonje referendum popullor? Apo ska nevoj per formen e qeverisjes mjafton udheheqja sypatrembur e tarseve i din-te te gjitha. Prandaj u shenderrua nga pseudorepublike ne diktature. O mjeran te indoktrinuar kokekembe barke bythe bashke. Vetem nje referendum i regullt vendos formen e qeverisjes dhe vetem me vote te rregullt te qytetarve shtetas Alban. Cdo form tjeter si dhe aktuale jane sajesa komunistosatanistesh globaliste.

    Përgjigju
  • Nani: 11/01/2025 17:51

    Paske dal nga burgu ti?

    Përgjigju
  • Populli: 11/01/2025 17:29

    Sduan ta kujtojne sepse sju leverdis, pseeen e dine shume mire ata , politikane, gazetare, tv, tv, etj .Megjithate ty te lumte pena dhe po .Gezuar 11 Janarin Republika jone e harruar!

    Përgjigju
    • Cim: 11/01/2025 18:22

      Një republikë është një formë qeverisjeje ku fuqia qëndron te qytetarët që zgjedhin përfaqësues për të qeverisur në emër të tyre. Thoma - kur nuk e di perkufizimin e fjales Republike, mos fol pallavra. Ajo te cilesh I referohesh ti ishte nje pacavure autoritarizmi ku fuqia perqendrohej tek Enver Hoxha dhe jo populli shqiptar. Mire bejme qe e harrojme fantazmen e se keqes. Lexo me shume dhe shkruaj me pak llogje. TUNG

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

I shpallur në kërkim ndërkombëtar, arrestohet 34-vjeçari në Britani! GJKKO i kishte vënë masën 'Arrest në burg' për grup të strukturuar kriminal (EMRI)

11 Janar, 19:27