Drejtori i Përgjimeve, Thoma Jano zgjidhet zv.kryeprokuror i Përgjithshëm, Olsian Çela: Në 2020 'luftë' pastrimit të parave

Me një mandate dy vjeçar deri në 2021, Thoma Jano do të jetë zv.kryeprokurori i përgjithshëm i vendit. Ky post i besuar Janos si kandidaturë e vetme vjen për herë të parë pas ndryshimeve ligjore dhe reformës në drejtësi.

Përzgjedhja e Janos është bërë publike nga kryeprokurori Olsian Çela gjatë një takimi të tij me gazetarët. Ndër të tjera Çela shtoi se përzgjedhja e Janos do t'i japi prokurorisë njw vlerë edhe në respekt të karrierës dhe kontributeve të cilido ndër vite.

Jano ka mbajtur për më shumë se një dekadë postin e drejtorit të përgjimeve post të cilin do ta mbaj edhe pas zgjedhjes së zv.kryeprokuror. Në objektivat për vitin 2020 kryeprokurori Çela u fokusua tek digjitalizimi i dosjeve hetimore për uljen e kostove dhe rritjen e kontrollit për punën e hetuesve, bashkëpunimit ndërinstitucional hetimore dhe transparencës.

Edhe pse më një rol pasiv në hetimin e çështjeve drejtë përsëdrejti kryeprokurori Çela deklaroi se 2020 do të jetë viti i tij për luftën ndaj pastrimit të parave dhe aseteve të vendosura nga grupet kriminale.

Ndërsa pritet që në fillim të Janarit Çela të përzgjedh drejtorin e kabinetit për të cilin rezulton se pranë këshillit të lartë të prokurorisë janë paraqitur deri më tani dy kandidatura.

Thoma Jano

/b.ha./Shqiptarja.com

TAG:
• prokuroria e pergjithshme
• Olsian Çela
• thoma jano