Disa arsye pse nuk iki nga Shqipëria. Kam lexuar këto ditë opinione të njerëzve të ndryshëm, lidhur me arsyet për të ikur e për të mos ikur nga Shqipëria. Unë nuk kam në plan të iki, për disa arsye:
E para, s’kam ku të shkoj dhe nuk ma mban t’ia nis nga larja e pjatave tani! E dyta, po ku gjen vend tjetër si ky në Botë: Këtu, të gjithë jemi gazetarë. Të gjithë kemi nga një portal. Të gjithë jemi analistë. Të gjithë jemi specialistë ndërtimi.
Të gjithë jemi historianë. Të gjithë politikanë. Të gjithë merremi me llafe. Të gjithë japim mend. Të gjithë shajmë njëri-tjetrin. Të gjithë ankohemi, e të gjithë brohorasim. Të gjithë bërtasim e askush nuk proteston.
Këtu, njëri punon e 3 komentojnë punën e atij që punon. Këtu të bëjnë hero pa bërë asnjë heroizëm, dhe të bëjnë palaço pa i bërë keq askujt. Këtu duan të punojnë të gjithë në shtet sepse ka 145 ditë pushim në vit. Vetëm këtu mund ta kesh rrogën 400 Euro në muaj, e mund të shpenzosh 500 Euro në muaj.
Vetëm këtu dëgjon dikë të thotë se jam keq, jam pa punë, dhe flet me telefon 1000 Euro, dhe nget makinë 20 mijë Euro. Vetëm këtu hipin në autobus në derën ku shkruhet “Dalje”, e zbresim aty ku shkruhet “Hyrje”.
Vetëm këtu protestohet për çmimin e lartë të tarifës së rrugës, dhe pas protestës, çmimi bëhët edhe më i lartë. Vetëm këtu qytetet ndërtohen në invers: Në fillim bëhen pallatet, pastaj shemben muret për të hapur rrugët, pastaj asfaltohen, dhe në fund hapen kanalizimet.
Vetëm këtu bën më parë pallatin dhe pastaj merr lejen e ndërtimit. Vetëm këtu merr leje për park lojrash dhe bën fabrikë. Vetëm këtu e bëjmë shtëpinë pranë pusit të naftës dhe pastaj bërtasin: Largojeni pusin. Vetëm këtu ndërtojmë shtëpitë në shtratin e lumit dhe kur përmbytemi, bërtasim: Ku është qeveria.
Vetëm këtu ankohen se s’kanë lekë për bukë, e në kafene zihen se kush do të paguajë. Vetëm këtu halli më i madh pasi je operuar është se sa lekë do ti japësh doktorrit, pasi mund ti duken pak.
Vetëm këtu fshatari hedh në kanal prodhimet se s’ka ku ti shesë dhe qeveria e ndihmon të prodhojë edhe më shumë. E çdo të bëj në një vend tjetër ku ka rregull, qetësi, korrektesë, pak kafene e shumë zyra, pak lloqe e shumë punë. Ky vend është kryeqyteti europian i gallatave.
Madje për këtë, mendoj se duhet duket promovuar një brand turistik.
“Mirësevini në kryeqytetin e gallatave”!
Komente
Lajme të tjera
-
Shpërthimi në Zubin-Potok/ Kikia: Serbia po përdor armët e fundit! Etjen Xhafaj: Gara e armatimit nuk është zgjidhje! Çollaku: Harrojeni se Beogradi do njohë Kosovën
2 Dhjetor, 22:24 -
Lidhjet e Suel Çelës me Artan Hoxhën, Kikia në ‘Frontline’: Gazetaria mori goditje të jashtëzakonshme, gazetarë në shërbim të një prej organizatave më famëkeqe të krimit
28 Nëntor, 23:04 -
Lirimi i Sali Berishës, Idajet Beqiri në ‘Frontline’: Thikë pas shpine për sistemin e drejtësisë, mund të prish provat si në 21 janar! Kikia: Sulmon gjyqtarët kur si pëlqejnë vendimet
28 Nëntor, 22:25 -
Çfarë i shkakton trurit tuaj përdorimi i telefonit në mëngjes
25 Nëntor, 09:06 -
Mbyllet Tiktok dhe Snapchat? Mentor Kikia në Report Tv: Kufizimi i përdorimit të rrjeteve sociale masë e duhur! Kemi mjedis social të dhunshëm! Motivon të rinjtë
20 Nëntor, 14:40 -
Mentor Kikia: Shoqëria në rrokullisje fatale, duhet të shpëtojmë fëmijët!
19 Nëntor, 08:28
-
Lufta në Gazë shton papunësinë dhe varfërinë në Bregun Perëndimor
14 Nëntor, 19:41 -
Intervista e Metës në Frontline/ Prençi: U angazhuan Forcat Operacionale për arrestin, vendimi i GJKKO nuk e thoshte! Kikia: Nëse dënohet si Nexhmija për kafe, dështim
7 Nëntor, 21:44 -
Çamçakëz që përgjum fëmijët! Reagon Policia: Po verifikojmë, kontrolle pas kontaktit me drejtuesit e shkollave
25 Tetor, 15:21 -
Celularët kanë krijuar një brez plot ankth. Vetëm se… jo të rinjtë, por prindërit
6 Tetor, 07:34 -
‘Spiralja e dhunës do përkeqësoj situatën politike', Kikia komenton kaosin e opozitës në Kuvend: Mënyra e tyre do acarojë më shumë gjendjen
1 Tetor, 13:41 -
Mentor Kikia: Një shoqëri dhe klasë hipokrite!
19 Shtator, 17:25
Mirdita. Kisha shumë kohë pa lexuar një artikull të tillë. Më bëre të qesh e të hidhërohem njëkohësisht. Ju lumtë dora për shkrimin z. Kika.
Përgjigjubravo bravo bravo!!!
PërgjigjuShume shume e vertet. Por ka shume e shume gallata edhe ne aspekte te tjera te jetes e te punes. Gallata ne histori, gallata ne art, gallata ne menyren e te berit art e kulture, ne menyren e te berit biznes dhe pune ne administrate, deri ne menyren si levizet neper rruge. E ç'te kujtosh e thuash me pare!