POP 5

Lajmet më të lexuara të 5 minutave të fundit

Sport

‘Thriller’ me 7 gola, Barcelona thyen me vështirësi Villareal! Përmbysje e çmendur e Liverpool (VIDEO)

Barcelona ia ka dalë me shumë vështirësi të fitojë ‘thrillerin’ me 7 gola kundër Villareal në javën e 3 të La Liga-s. Ndërkohë në Premier League Liverpool me 10 lojtarë përmbysi Newcastle falë heroit Darwin Nunez.

Një sfidë në kufijtë e çmendurisë me dy përmbysje spektakalore është rregjistruar në La Liga mes Villareal dhe Barcelonës. Në këtë përballje ku vëmendjen e mori 16-vjeçari Yamal, katalanasit fillimisht realizuan dy herë shumë shpejt me Pedrin dhe de Jong. Ndryshe nga ç’pritej vendasit nuk u dorëzuan, por reaguan duke barazuar brenda pjesës së parë me Foyth dhe Sorloth. Gjithsesi më tej do të ndodhte ajo që nuk pritej, përmbysja e Villareal falë Baena-s në minutën e 50.

Gjithsesi Barcelona ende s’e kishte thënë fjalën e saj. Në minutën e 68 Ferran Torres do t’i dërgonte shifrat në 3-3, ndërsa golin që vulosi këtë sfidë aspak të zakontë e realizoi Leëandoëski. Sulmuesi polak i dha 3 pikë të rëndësishme katalanasve, të cilët u ngjitën në kuotën e 7 pikëve pas 3 javëve të para në kampionat.

(Përmbledhjen e ndeshjes mund ta shikoni duke klikuar këtu.)

Edhe në Premier League Liverpool fitoi ndeshjen më të rëndësishme të javës së tretë, teksa përmbysi 1-2 Newcastle edhe pse ishte me një lojtar më pak. Në St.James Park vendasit kaluan të parët në avantazh me anglezin Gordon, ndërsa pas 3 minutave Van Dijk dyfishoi vështirësitë e Liverpool duke e lënë ekipin me një lojtar më pak pas kartonit të kuq.

Gjithsesi ‘the reds’ nuk u dorëzuan dhe në minutën e 77 aktivizuan heroin Darëin Nunez. Uruguajanit iu deshën vetëm pak çaste në fushë për të barazuar rezultatin, ndërsa në minutën e 93 realizoi përmbysjen e pabesueshme falë asistit që mori nga Salah. Për Liverpool kjo fitore ishte më shumë se 3 pikë.

(Përmbledhjen e ndeshjes mund ta shikoni duke klikuar këtu.)

Ndërkohë më herët Manchester City kaloi me vështirësi 1-2 Shefield United. Haaland realizoi në pjesën e dytë pasi më herët kishte humbur nje penallti. Gjithsesi miqtë rikthyen baraspeshën para se Rodri në minutat e fundit të shënonte golin e fitore. Për rrjedhojë City është skuadra e vetme me pikë të plota pas 3 javëve të para në Premier League.

Ne.k./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si i vlerësoni protestat e dhunshme të Rithemelimit tek Bashkia?

Lajme të tjera



×

Lajmi i fundit

GOLAT/ Calhanoglu dopietë për Interin, zikaltërit festë për titullin! Asllani luan 30 minuta në ndeshjen historike, sot spikat Napoli - Roma

GOLAT/ Calhanoglu dopietë për Interin, zikaltërit festë për titullin! Asllani luan 30 minuta në ndeshjen historike, sot spikat Napoli - Roma

28 Prill, 15:41