POP 5

Lajmet më të lexuara të 5 minutave të fundit

Kronikë

'Thumanën do e bëjmë model', Rama flet për rindërtimin dhe hedh kunjë për Metën

Rama u shpreh se Thumana do të jetë model pas rindërtimit dhe se do zhvillohen takime me komunitetin për t'i njohur me projektet dhe detajet, ndërsa kërkoi durim nga banorët se gjithçka do të zgjidhej. Gjithashtu Rama hodhi kunja ironike edhe për Metën, ku tha se nuk i trembet rindërtimit të zonave të prekura nga tërmeti, por atyre ndeshjeve që luhen pa rregulla e arbitër.

Kryeministri Rama ka zhvilluar një vizitë në banesën e re ku qëndron përkohësisht familja e Sokol Mesinit, pas dëmtimit të shtëpisë së tyre në Thumanë nga tërmeti i 26 nëntorit  2019. Gjatë takimi Rama u shpreh se Thumana do të jetë model pas rindërtimit dhe se do zhvillohen takime me komunitetin për t'i njohur me projektet dhe detajet, ndërsa kërkoi durim nga banorët se gjithçka do të zgjidhej. Gjithashtu Rama hodhi kunja ironike edhe për Metën, ku tha se nuk i trembet rindërtimit të zonave të prekura nga tërmeti, por atyre ndeshjeve që luhen pa rregulla e arbitër.

'T'i ndërtojmë njëherë të mirat dhe pastaj do bëjmë dhe vizitat. Duhet të fillojmë të bëjmë takime me komunitetin e Thumanës që të flasim për projektet, procesin e rindërtimit dhe t'i qartësojmë për detajet, pastaj duhet durim. Javën e ardhshme do fillojmë me garën ndërkombëtare dhe në fillim të majit jemi kantier, Thumanën do e bëjmë model. Ndeshjet të tilla s'di rindërtimi nuk i kam problem unë, çfarë t'i bësh ndeshjeve që s'kanë as rregullave as arbitra asgjë. Kjo është një ndeshje e vështirë, por që do e bëjmë', tha Rama.

Familja Mesini ka përfituar nga bonusi i qirasë dhe është akomoduar në banesë të përkohshme deri në përfundim të shtëpisë së rindërtuar në zonën e re për zhvillim.

Gjatë vizitës Rama, ishte i shoqëruar nga kryetari i Bashkisë së Krujës, Artur Bushi i cili tha se në këtë bashki janë 1503 familje që kanë përfituar bonusin e qirasë, nga të cilat vetëm në Thumanë kanë përfituar 457 familje.   

/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Theu masën e arrestit të shtëpisë, shpallet në kërkim 47 vjeçari nga Fieri (EMRI)

Theu masën e arrestit të shtëpisë, shpallet në kërkim 47 vjeçari nga Fieri (EMRI)

5 Nëntor, 13:13