Timo Flloko vrap nga liqeni

Mund të duket démodé krahasuar me ushtrimet e alternuara që bëjnë VIP-at në palestrat komode, gjithsesi aktori Timo Flloko nuk heq dorë nga ajri i pastër dhe vazhdon të dalë ende rregullisht në kodrat e Liqenit Artificial. Ja tek e kemi kapur aktorin “mat”, pak metra larg shtëpisë pasi ka kaluar gardhin e hekurt dhe ka dalë direkt në ajër të pastër për të nisur ndjekur rutinën e pasditeve të tij. Themi rutinën, pasi pothuajse çdo ditë, i veshur me uniformë sportive, z. Flloko, shpesh i shoqëruar edhe nga bashkëshortja, regjisorja Vera Grabocka bëjnë vrap në kodrat e Liqenit. Ndoshta ky është edhe sekreti i mbajtjes së trupit të tyre në formë: një regjim sportiv, ata të cilin nuk e braktisnin kurrë.