TIRANE - Një e re ka mbetur e plagosur rëndë si pasojë e përplasjes nga një automjet në zonën e “Shallvareve” në kryeqytet.

E plagosura është dërguar me urgjencë drejt spitalit Ushtarak.

Aksidenti u shënua në orët e pasdites së sotme, kur një automjet tip Volkswagen Cady me targa TR 1902 P përplasi vajzën 23-vjeçare, B.Bajraktari.

Menjëherë pas aksidentit, drejtuesi i mjetit u largua nga vendngjarja.

Policia ka nisur hetimet për të zbardhur shkaqet e vërteta të aksidentit, si dhe është vënë në kërkim të autorit.

(Gre.M/ad.ti/shqiptarja.com)