Dy të rinj janë janë arrestuar nga Policia e kryeqytetit, pasi kanë plagosur me thikë një 19-vjeçar.
 
Në pranga, nga specialistët e Komisariatit të Policisë nr 5 Tiranë, kanë rënë 19-vjeçari Gerlando Meta dhe 18-vjeçari me inicialet K.Z, nga Tirana.

Ata u arrestuan pasi sipas policisë, dje rreth orës 15:00, në vendin e quajtur "Babrru", pas një konflikti për motive të dobëta, 18-vjeçari K. Z., sëbashku me Geraldo Metën, ka goditur me thikë, shtetasin 19 vjeçarin me inicialet M.T, banues në Tiranë, dhe më pas janë larguar nga vendi i ngjarjes.

I plagosuri ndodhet në spital për mjekim të specializuar, por jashtë rrezikut për jetën.

Ndaj dy të rinjve rëndojnë veprat penale "Plagosje e lehtë me dashje" dhe "Prodhimi dhe mbajtja pa leje e armëve të ftohta".
 
Redaksia Online
(u.s/shqiptarja.com)