POP 5

Lajmet më të lexuara të 5 minutave të fundit

Periferi

Tirana është zemërgjerë

Tirana është zemërgjerë me zengjinët e rinj. Nga vilat e pallatet luksoze të lagjeve më ekskluzive të saj zbresin familjarë trafikantësh rrejtesh kokaine, heroine.
Tirana është zemërgjerë

Poshtë pallateve luksoze të kryeqytetit sheh të dalin gra me këmbë të shkurtëra e shtate të gjatë dhe burra, me koka të mëdha, barqe të fryra. Të moshuar me fytyrat e djegura nga jeta e vështirë në fshat e të moshuara të kërrusura nga punët e vështira të malit apo të fushave, të veshura firmato. Tirana zemërgjerë ka strehuar në pallatet më të bukura, në lagjet më ekskluzive të saj familjet e të korruptuarve të 27 viteve demokraci: nëpunës të shtetit më të varfër në Europë, prokurorë, gjykatës, drejtorë drejtorish, doganash, tatimesh, ministrish, kanë nxjerrë paratë nga thasët e zinj të stivuar nëpër shtëpitë e tyre e kanë blerë pasuri imobiliare luksi. Disa janë ish funksionarë, e të tjerë funksionarë aktualë.

Në një nga pishinat e një hoteli ekskluziv në kryeqytet motra e një zyrtari të lartë, që vjen nga provinca e thellë e Shqipërisë na lë pa fjalë: Në Instagram bën foto magjike, Gineth Paltrou apo Xhenifer Aniston pëprara saj duken vajza të zakonshme lagjeje, ndërsa motra e politikanit provincial një divë. Në Instagram ama. Në realitet, edhe ajo, nuk i shpëton formulës së çuditëshme që prek njerëz të provincës sonë: këmbë të shkurtëra, shtat i gjatë e pamje që në realitet është 100 përqind e kundërta e asaj që vajza ofron në rrjete sociale.

Tirana është zemërgjerë me zengjinët e rinj. Nga vilat e pallatet luksoze të lagjeve më ekskluzive të saj zbresin familjarë trafikantësh rrejtesh kokaine, heroine. Kudo në botë, nga Italia, në Kolumbi, trafikantët e familjarët e tyre jetojnë të ngujuar nëpër periferitë e periferive.Të ndjekur e të përndjekur nga njerëzit e shtetit, ata të ndershmit që e kanë kuptuar dhe luftojnë që fëmijët e gjithë shoqërisë të mos ëndërrojnë të bëhen të korruptuar e trafikantë për të përfituar sa më lehtë pasurinë e të njollosen tërë jetën.

Tirana është zemërgjerë, i ka dhuruar vendet më të mira të saj njerëzve të tillë, që nuk e duan atë, nuk e respektojnë, që hedhin plehrat nga dritaret e pallateve luksoze ashtu siç bënin me pemët e lumenjtë në vendet më të bukura, por të largëta të Shqipërisë.

Tirana është zemërgjerë dhe urojmë që nga kjo zemërgjerësi ajo të mos humbasë fisnikërinë që njerëzit e korruptuar, trafikantët e të tjerë të dyshimtë individë, nuk e respektojnë për të tillë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • EURO MALOKU: 14/05/2018 12:42

    Kudo si Lutua... Keshtu eshte edhe ne ROME,PARIZ..LONDON e kudo qe shkon! Kapitalizmi a i omel si hallva!!

    Përgjigju
  • Prezjoni: 14/05/2018 10:09

    Nje shkrim i padiskutushem..realiteti i trishte i ketij vendi eshte politika ...e fallco demokracis.Kjo eshte nje diktature moderne

    Përgjigju
  • Liku: 14/05/2018 00:16

    Fiks. Nje shkrim perfekt. Kjo nuk ndodh vetem ne Tirane por dhe ne qytetet e tjera. Ne Shkoder ku un jetoj,nga Shkodra e kultures eshte kthy ne qytet ku vetem shkodranshe nuk flitet. Ku Drejtori i Arsimit malesore,Drejtor i Tatim Taksave malsor,Drejtoreshaaaaaa e muzeumit e cila e ka pa per here te pare 18 vjeçe muzeun nga nje ekskursion me klasen katundare,Drejtori i Spitalit katundare,te Hipoteka Drejtori katundare,te Aluizmi Drejtori malesore,te Inkspektoriati i punes katundare,tek Posta Drejtori malesore,te HEC Koman Drejtori malesore e Shefi personelit katundare.....etj etj. Del ne Piacen e famshme te Shkodres e perveç pleqve qe njoh nuk kam nje te moshes sime qe ti them naten e mire. Te gjithe te ardhur nga malet qe kur ecin ne rruge e ngren kemben lart se kujtojne se jan ne malore apo kur sheh katundare qe duhen breza per ti ikur era e bagetive. Dua ta mbydh me nje thenie te te madhit Fishta :" Sa bahet koci jahni,bahet katundari e malesori zotni". Shkodrant qe e kuptojn gjuhen e dine sa e thelle e fiks eshte kjo shprehje.

    Përgjigju
  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

Nesër zgjedhjet në SHBA/ Ish-ambasadori: Duhet ndryshuar rendi botëror! Endri Shabani: Trump thotë 'Amerika e para'! Po kur ka qenë ndonjëherë e dyta?!

4 Nëntor, 22:51