POP 5

Lajmet më të lexuara të 5 minutave të fundit

Politikë

Tirana kryeqendra e Europës për 24 orë, samiti i Procesit të Berlinit merr vëmendjen e medieve ndërkombëtare

Sot Tirana është shndërruar në qendrën e Europës pasi ka mirëpritur Samitin e Procesit të Berlinit ku marrin pjesë përfaqësuesit më të rëndësishëm të Bashkimit Europian, si dhe liderët e vendeve të Ballkanit Perëndimor

Tirana kryeqendra e Europës për 24 orë, samiti i Procesit të Berlinit merr vëmendjen e medieve ndërkombëtare

Fotoja familjare e liderëve të BE dhe të Ballkanit Perëndimor në samit

Sot Tirana është shndërruar në qendrën e Europës pasi ka mirëpritur Samitin e Procesit të Berlinit ku marrin pjesë përfaqësuesit më të rëndësishëm të Bashkimit Europian, si dhe liderët e vendeve të Ballkanit Perëndimor.

Ky takim i rëndësishëm që ka përfunduar sesionin e parë deri më tani ka marrë vëmendjen e medieve ndërkombëtare. Associated Press thekson se ky samit nuk i jep rëndësi vetëm Ballkanit, në rrafshin politik dhe ekonomik, por edhe për faktin që një ngjarje e tillë, zhvillohet për herë të parë jashtë kufijve të Unionit Europian.

“Bashkimi Evropian ofron një plan të ri rritjeje për Ballkanin Perëndimor, duke hapur pjesërisht tregun e përbashkët”, shkruan prestigjiozja Associated Press, e cila e shoqëron lajmin me një kolazh fotosh nga pritja që i bën kryeministri Rama liderëve të Europës.

Radio France Internationale e nis artikullin duke nënvizuar se “Integrimi i Ballkanit Perëndimor në fokus të samitin e Shqipërisë”.

Në sesionin e parë të Samitit të Berlinit, vëmendjen e mori konflikti mes Kosovës e Serbisë dhe nevoja për të lënë prapa të shkuarën, nëpërmjet paqes e dialogut. Kryeministri Rama i kërkoi BE-së të mos vërë afate anëtarësimi dhe të zhdukë ndasitë me Ballkanin Perëndimor, duke marrë edhe një premtim nga presidenti i Këshillit Europian. Ndërsa kryeministri i Spanjës që nuk njeh Kosovën, bëri thirrje që Izraeli e Palestina të njohin njëra tjetrën, si e vetmja mënyrë për paqe.

B.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    1 maji, a respektohen të drejtat e punëtorëve në Shqipëri?

Lajme të tjera



×

Lajmi i fundit

Meta anëtarëve të Komitetit drejtues të PL: S’kemi kohë për të pushuar, s’duam të ndryshkemi

Meta anëtarëve të Komitetit drejtues të PL: S’kemi kohë për të pushuar, s’duam të ndryshkemi

1 Maj, 10:33