POP 5

Lajmet më të lexuara të 5 minutave të fundit

Sport

Tirana mbushet me ngjyrat e Conference League, zbukurohet për finalen! Të martën vjen trofeu për të cilin 'luftojnë' klubet

Tirana është zbukuruar me banderola shumëngjyrëshe për finalen europiane të Conference League. Rrugët kryesore të qytetit tregojnë për eventin e madh që do ndodhë pas dy ditësh, ndërsa është zbuluar axhenda e klubeve të Feyenoord dhe Romës. Ndryshe nga holandezët të besuarit e Mourinho-s nuk do bëjnë asnjë stërvitje në ‘Air Albania’.

Dy ditë para finales Europiane të Conference League në Tiranë kryeqyteti është bërë gati dhe zbukuruar për të pritur Romën dhe Feyenoord si dhe tifozët e tyre që priten të jenë të shumtë. Në rrugët kryesore janë vendosur banderola me ngjyrat karakteristike të kompeticionit Conference League, që tregojnë për ngjarjen e madhe që pret kryeqyteti.

Në sheshin ‘Skënderbej’ dallohet fusha e minifutbollit, ndërsa ‘Fan Zona’ është gati prej disa ditësh.

Ndërkohë UEFA po u jep dorën e fundit përgatitjeteve të stadiumit ‘Air Albania’. Të martën në orën 16:20 në aeroport do mbërrijë ekipi i Romës që do niset direkt drejt stadiumit për një inespektim të fushës. Sakaq në orën 14:00 në Tiranë vjen Feyenoord, ndërsa në orën 19:30 është parashikuar seanca e vetme stërvitore, ndryshe nga ekipi italian.

Sakaq të martën vjen në Tiranë edhe trofeu i Conference League që do ekspozohet në sheshin ‘Skënderbej’, ndërsa prej mëngjesit të sotëm ka mbërritur në Tiranë edhe autobusi i klubit të Romës nëpërmjet portit të Durrësit dhe është vendosur në hotelin ku edhe do qëndrojë ekipi.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Joe Biden tërhiqet nga gara presidenciale në SHBA, si e vlerësoni?

Lajme të tjera



×

Lajmi i fundit

Gazetari zë ngushtë Belind Këlliçin: Pse nuk flisni më për kompaninë ‘Qefalia’? Keni marrë gjobën?

Gazetari zë ngushtë Belind Këlliçin: Pse nuk flisni më për kompaninë ‘Qefalia’? Keni marrë gjobën?

22 Korrik, 15:24