POP 5

Lajmet më të lexuara të 5 minutave të fundit

Sport

Tirana 'përmbys' Besëlidhjen, kampionët e basketbollit caktohen në finalen e madhe

Tirana mundi 82-66 Besëlidhjen në finalen e katërt play-off në basketboll për meshkuj.

Tirana mundi 82-66 Besëlidhjen në finalen e katërt play-off në basketboll për meshkuj. Në Pallatin e Sportit "Feti Borova" në kryeqytet, djemtë e Erkand Karaj dërguan shifrat në 2-2 në ndeshjet e përgjithshme, duke e lënë fituesin e këtij sezoni për në finalen e madhe që zhvillohet të enjte.

Në përballjen e fundit, Tirana dominoi takimin në tre perioda, duke mundur me lojë dhe rezultat skuadrën e Afrim Bilalit. Në periodën e parë Tirana fitoi 21-15, teksa në të dytën ishin lezhjanët që e mbyllën 18-21 me tri pikë epërsi. E dyta dhe e treta folën për Tiranën, për rezultatin e përgjithshëm 82-66.

Kujtojmë se në dy ndeshjet e para fitoi Besëlidhja duke dërguar ndeshjet në 0-2, teksa në dy përballjet e radhës ishte Tirana që ia doli të vendosë ekuilibrin në 2-2 me ndeshjet e përgjithshme.

Më i miri në fushë për Tiranën ishte Davies me 24 pikë, teksa Hysenagolli me 16 rebounds la shenjë. Te Besëlidhja, Robinson me 20 pikë la gjurmë në këtë duel, teksa Cortez Rhine realizoi 13 rebounds. Për t'u përmendur se në "Feti Borova" të pakta ishin ulëset që mbetën bosh për duelin e katërt play-off në basketboll.

Tirana 82-66 Besëlidhja (21-15, 18-21, 19-15, 24-15)

S.Dh/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Pesë pyetje për 2025-ën

Pesë pyetje për 2025-ën

26 Dhjetor, 08:23