Tirana priti Festivalin më të madh të inovacionit për rajonin e Ballkanit “INN Fest 2019”, i cili u kthye në një pikëtakim për shumë kompani nga e gjithë bota, që sollën risitë më të fundit teknologjike. Në hapjen e takimit, ku morën pjesë mbi 1500 sipërmarrës dhe drejtues kompanish, kreu i Bashkisë së Tiranës, Erion Veliaj tha se kryeqyteti ka përqafuar teknologjinë inovative si një mënyrë për të ecur përpara dhe për të përmirësuar shërbimin ndaj qytetarëve.
“Dita më e rëndësishme është dita pas konferencës sepse shohim sa do zbatohen ato që themi, sa përkthehen në investime konkrete, i cili më pas materializohet në një produkt që testohet në treg. Një nga avantazhet e të qenit vend në zhvillim është se ne mund të kalojmë disa faza të industrializimit; pra, Tirana nuk ka më nevojë të mendojë sesi do të bëjë atë që bëri Viena apo Zagrebi me autobusët me kabllo elektrike sepse sot është koha e autobusëve elektrikë, mund të kalojmë direkt aty”, tha ai, teksa solli shembullin e suksesshëm të aplikacionit me të cilin bashkia bëri evidentimin e dëmeve të shkaktuara nga tërmeti.
Kryebashkiaku Veliaj nënvizoi se një nga nismat e bashkisë është edhe rrjetëzimi i Piramidës, e cila do të transformohet në qendrën më të madhe të teknologjisë së inovacionit. Veliaj theksoi se rreth 5 mijë të rinj të kryeqytetit do të kenë mundësi të mësojnë gjuhën e kodimit, që më pas mund të rekrutohen nga biznese të ndryshme. “Sot, më vjen ta keq them, nuk mjafton 10-ta dhe anglishtja nëse nuk dimë kompjuterin. Ndaj, ky investim është në të mirën edhe në të ardhmen e këtij qyteti. Ajo që duam të bëjmë është që çdo vit të trajnojmë deri në 5 mijë fëmijë nga mosha 6 deri në 18 vjeç. Do të shfrytëzojmë hapësirën e Piramidës për disa nga këto kompani ose start up-e, të cilët do të kenë mundësi të ‘inkubohen’ aty, por edhe të rekrutojnë talente nga të diplomuarit në Piramidë”, deklaroi ai.
Sipas tij, pavarësisht skepticizmit fillestar të një pakice për çdo projekt të bashkisë, koha ka treguar se ato kanë qenë të suksesshme. “E kam hasur dozën e cinizmit dhe të skepticizmit në shumë nisma. Mbaj mend kur filluam me kopshtet, me çerdhet, thoshin: “Po ik, o Lali, se s’ka filantropi këtu! Ku jep shqiptari lek”. Ne cinizmin e kemi sport kombëtar, jo vetëm në Shqipëri, por në Ballkan, pra gjejmë arsye që gjërat të mos funksionojnë. Ndërkohë, më pëlqen që sot kemi njerëz që gjejnë të vetmen arsye pse gjërat do të funksionojnë”, nënvizoi Veliaj, teksa tha se qytetet gjithnjë e më shumë po i kushtojnë një vëmendje inovacionit dhe teknologjisë digjitale.
INN Fest 2019 është krijuar për të qenë konferenca më e rëndësishme rajonale për inovacionin dhe teknologjinë e që synon mbështetjen, investimin dhe zhvillimin e ideve të reja inovative mbi industritë dhe ndërmarrjet.
Lajme të tjera
-
Veliaj në Bruksel për 75-vjetorin e Kolegjit të Europës: Vitin tjetër dyfishohet numri i studentëve! Kampusi, histori suksesi për Tiranën
21 Nëntor, 15:21 -
Festivali i Nomadëve Digjitalë, Veliaj: Tirana, qytet kozmopolitan i të gjithëve! Bëhemi gati për titullin ‘Kryeqyteti Europian i Kulturës'
20 Nëntor, 15:46 -
Premtimi i Veliajt, nga 1 janari 2025 pensionistët do të udhëtojnë falas me autobus në Tiranë! Vendimi miratohet me votat e socialistëve në Këshillin Bashkiak
19 Nëntor, 17:54 -
Prezantohet në shqip libri i ish-kryebashkiakut të Bogotas, Veliaj: Ekipi i tij do ndihmojë në zbatimin e sistemit të ri të transportit në Tiranë
19 Nëntor, 14:46 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Parada e Shqiptarëve më 28 nëntor në Tiranë, Bashkia e Ferizajt i bashkohet festës së madhe të pavarësisë: Emocion, krenari, lavdi e festë e jashtëzakonshme
13 Nëntor, 20:09 -
FOTOT/ Nis puna për rindërtimin e shkollës 9-vjeçare “Edith Durham”, Veliaj: “Do të jetë një super shkollë me 4 kate, gati për vitin e ardhshëm shkollor”
12 Nëntor, 12:00 -
Veliaj i ftuar në Akademinë Politike të PS: Puna dhe reputacioni që lëmë pas, kontribut dhe vlerë për vendin
9 Nëntor, 14:00 -
Veliaj vizitë dy ditore në Aleksandri: Tirana, simboli i bashkëjetesës Mesdhetare të Kulturës dhe Dialogut
8 Nëntor, 18:50 -
Më 28 nëntor mbahet në Tiranë parada kuqezi, Veliaj thirrje shqiptarëve: Eja festojmë në zemër të qytetit me këngët nga çdo trevë shqiptare
6 Nëntor, 16:13 -
Veliaj thirrje qytetarëve: Ta kthejmë nëntorin në një muaj feste, valëvisni flamurin kudo ku ka shqiptarë (VIDEO)
5 Nëntor, 12:12
