TIRANE- Mëngjesin e sotëm Tirana është 'zgjuar' nga reshjet e breshërit.
Në pak minuta rrugët e kryqytetit janë zbardhur nga breshëri. Ndërkohë që më pas në vend kanë nisur reshjet e shiut. Më pas në kryeqytet kanë nisur edhe reshjet e shiut.
Sipas meteoalb Shiu i dendur i cili "pushtoi" të gjithë vendin në orët e para të mëngjesit do të vijojë, ndonëse jo me të njëjtën dendësi deri në pasdite, për t'ia lënë vendin kthjellimeve.
Moti i keq dhe temperaturat e ulëta të shoqëruar me reshje bore kanë përfshirë edhe qarkun e Elbasanit. Reshje bore janë regjistruar në Malësitë e Elbasanit, Librazhdit, Gramshit dhe Prrenjasit. Po ashtu dëbora ka mbuluar edhe Gjinarin dhe Zavalinën në Elbasan. Reshje të dendura ka pasur edhe në Stëblevë ku trashësia ka arritur në 30 cm.
Reshjet e borës kanë nisur edhe në qarkun e Korçës prej orëve të para të mëngjesit të sotëm në zonat malore. Më pas bora ka zbritur edhe në qytet duke bërë që temperaturat të zbresin në minus. Sipas autoriteteve lokale, ka pasur probleme me qarkullimin në segmentin e Dardhë-Korce, ku bora ka shkuar nga 5 në 20 cm trashësi. Në orët e mëngjesit drejtuesit e mjeteve janë këshilluar të përdorin zinxhirë. Firmat kontraktore kanë punuar prej orëve të para të mëngjest në rrugët që paraqesin probleme, ndërsa drejtuesit e mjeteve janë këshilluar të tregojnë kujdes për shkak të prezencës së borës në rrugës.
Nisin reshjet e dëborës në zonën e Llogarasë në Vlorë. Temperaturat e ulëta kanë sjellë dhe dëborën, ndërsa pritet që intensiteti i reshjeve të vijë në rritje. Policia rrugore këshillon shoferët që të kenë kujdes në drejtimin e automjeteve për shkak të pjerrtësisë së madhe që ka rruga. Temperaturat kanë sjellë edhe ngrica nga krahu i Palasës, e për pasojë edhe rrezik më të madh në qarkullim, nëse nuk merren masat për t'u pajisur me goma dimri.
Edhe Bulqiza është përfshirë nga reshjet e dëborës si pasojë e temperaturave të ftohta që kanë përshirë vendit. Reshjet kanë vijuar përgjatë gjithë paradites së sotme. Nuk raportohet për vështirës në qarkullimin rrugor.
Mëngjesin e sotëm Saranda është përfshirë nga erëra të forta. Moti i keq ka bërë që të pezullohet lundrimi në linjat Sarandë-Korfuz. Kapiteneria e Sarandës se shkak për këtë është pikërisht era e fortë që e ka bërë të pamundur lundrimin në det.
Zonat malore në qarkun e Kukësit janë 'zgjuar' mëngjesin e sotëm të mbuluar nga reshjet e dëborës. Në Shishtave trashësia e dëborës ka arritur në 10 cm. Rrugët janë të qarkullueshme, ndërsa deri tani nuk raportohet për probleme. Ndërkohë që në zonat e ulëta vijojnë reshjet e shiut.
Reshje të dendura breshëri ka pasur edhe në qytetin e Fushë Krujës. Si pasojë e tyre, rrugët janë zbardhur, por nuk raportohet për dëme.
Moti i keq ka shkaktuar vonesa në nisjen e trageteve në portin e Durrësit drejt Italisë. 2 tragetet e linjës Durrës-Bari të cilat ishin parashikuar të niseshin mbrëmjen e djeshme, janë nisur drejt Italisë mëngjesin e sotëm dhe pritet të mbërrijnë në destinacion në mesditë. Ndërsa 2 tragetet nga Bari për Durrës po mbërrijnë sipas grafikut në portin e Durrësit. Mbrëmjen e djeshme era ka arritur shpejtësinë 65-70 km/orë duke krijuar vështirësi në lundrim. Mbrëmjen e djeshme për shkak të erës tre tragete në Portin e Durrësit që ishin bërë gati për t'u nisur kanë pësuar një përplasje të lehtë me njëri tjetrin. Tre tragetet ishin gati për t'u nisur për lundim, por fatmirësisht ndërhyrja në kohë ka shmangur një aksident të mundshëm.
Lajme të tjera
-
Reshje bore në Rrugën e Kombit, lëvizni me kujdes! Trashësia 5 cm në Tunelin e Kalimashit! Mungesë energjie në fshatrat e Kukësit dhe Korçës
23 Nëntor, 11:28
-
Moti i keq në aksin Fushë Arrëz-Mirditë/ Vërshimi i ujërave nga mali bllokon qarkullimin në tunelin e Gojanit
22 Nëntor, 20:26 -
Moti i keq në Dibër/ Vërshimi i ujërave dhe rrëshqitje dherash në Bypass-in e ‘Rrugës së Arbrit’, qarkullim me vështirësi i mjeteve
22 Nëntor, 19:56 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
VIDEOLAJM/ Erërat dhe stuhitë prishin çatinë e Pallatit të Kulturës në Bulqizë
22 Nëntor, 16:24 -
Moti i keq/ Anulohet për mbrëmjen e sotme lundrimi i trageteve nga Durrësi drejt Barit dhe anasjelltas
22 Nëntor, 13:40 -
Rrebeshe e shtrëngata në gjithë vendin, Gjoni për Report Tv: Nga mesdita e së shtunës ikin reshjet, por ulen temperaturat
22 Nëntor, 12:57 -
Moti i keq përfshin Vlorën, mbetet i pezulluar lundrimi në det! Ndërprerje energjie në disa zona
22 Nëntor, 12:44 -
Moti i keq/ Disa fshatra pa energji elektrike në Kukës! Fierza në ‘krizë’ për ujë
22 Nëntor, 12:35 -
Moti i keq/ Rrëshqitje gurësh në aksin Skuraj-Burrel (VIDEO)
22 Nëntor, 12:30 -
Moti i keq/ Disa fshatra në Vaun e Dejës pa energji elektrike! Rrëshqitje dherash në rrugët e Fushë-Arrëzit
22 Nëntor, 12:28 -
Stuhi në gjithë vendin/ Mijëra banorë pa drita! Anulohen lundrimet Durrës-Bari! Mbyllet spitali i Pukës, uji hyn në pavijone! Dukagjini në izolim (VIDEO)
22 Nëntor, 10:11
