POP 5

Lajmet më të lexuara të 5 minutave të fundit

Kronikë

Kishte të ëmën në spital, 61-vjeçari bie nga kati i dytë i QSUT! U rrëzua nga dritarja teksa pinte cigare, përfundon të Trauma

Një 61-vjeçar është rrëzuar nga kati i dytë i QSUT. Policia e Tiranës njofton se 61-vjeçari L.H., nga Burreli, është rrëzuar aksidentalisht nga kati i dytë.

Kishte të ëmën në spital, 61-vjeçari bie nga kati i dytë i QSUT! U rrëzua nga dritarja teksa pinte cigare, përfundon të Trauma

Tenda mbi të cilën ra 61-vjeçari në QSUT

TIRANË- Një 61-vjeçar nga Burreli u paraqit në QSUT ditën e sotme rreth orës 08:30 me nënën e tij, e cila kishte nevojë për shërbim mjekësor. Por, 61-vjeçari ndërsa shoqëronte nënën e tij, përfundoi edhe vetë në spitalin e Traumës. Ai është rrëzuar nga kati i dytë i QSUT teksa pinte cigare në dritare.

Luan Hima ka rënë nga kati i dytë, pasi ka rrëshqitur gjatë kohës që po pinte cigare në dritare. Fatmirësisht është jashtë rrezikut për jetën, dhe po trajtohet në spitalin e Traumës, pasi ka dëmtime në kokë dhe tek gjymtyrët.

“Më datë 19.08.2024, në QSUT, dyshohet se aksidentalisht ka rënë nga lartësia e katit të dytë, shtetasi L. H., 61 vjeç, banues në Burrel, i cili ndodhet jashtë rrezikut për jetën”, njofton policia.

Report Tv solli edhe video nga ambientet e spitalit, ku dallohet se 61-vjeçari nga kati i dytë i QSUT ka rënë mbi tendë.

Rendit zhvillimet sipas orarit:
Ora 16:45
61-vjeçari ra nga kati i dytë i QSUT! Flet nëna e tij: Erdhi për mua dhe po vuan vet! S'ka probleme shëndetësore

Një 61-vjeçar nga Burreli, Luan Hima, ra sot nga kati i dytë i QSUT, pasi kishte shkuar me nënën e tij, e cila kishte nevojë për shërbim mjekësor.

Por, teksa 61- vjeçari kishte dal në dritaren e katit të dytë për të pirë cigare, ka rënë prej atje. 

Në një intervistë për Report Tv, nëna e 61 vjeçarit, tregoi se e panë kur ra nga dritarja e katiti të dyrtë të spitalit dhe shkuan për ti dhënë ndihmën e parë.

"Ai shkoi për të marr një letër për të firmosur, se e kam pas në orën 12 me vënë një koronare dhe kur e kam parë djalin që ra poshtë, s'di gjë tjetër më. Isha aty dhe e pash ra si parashutë dhe kemi shkuar i kemi dhënë ndihmën e shpejtë me gjithë vajzën time. Mjekët thonë se është mirë, po s'kemi shkuar që ta shohim ende, e kanë futur në operim. Po rridhte shumë gjak dhe ka marr plagë në kokë, po edhe ndonjë thyerje krahu. Nuk e di si nuk më la zemra, sepse erdhi për mua dhe po heq keq për veten e vet. Nuk e pamë se çfarë ishte duke bërë dhe se di pse ka rënë, dhe vetëm kur e pamë po i thërrisja, Luan", tha ajo. 

Nëna e 61- vjeçarit tha se i biri nuk kishte probleme shëndetësore dhe nuk vuante nga tensioni.

"Jo ishte mirë, kishte ardhur për mua, por se si ishte puna nuk di gjë unë", tha ajo..

S.B/Shqiptarja.com

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Akuzat e opozitës për mbylljen e TikTok! Rama fiton garën me fansat, Berishën e mund edhe Arlind Qori

Akuzat e opozitës për mbylljen e TikTok! Rama fiton garën me fansat, Berishën e mund edhe Arlind Qori

24 Dhjetor, 19:58