TIRANE – Një aksident rrugor është shënuar vetëm pak momente më parë në kryeqytet, rreth orës 16:00 të pasdites së sotme si pasojë e të cilit mbeti i plagosur një 62-vjeçar.

Ngjarja ndodhi te Unaza e Re, teksa një betoniere përplasi një motor. Sipas informacioneve nga vendi i ngjarjes mësohet se drejtuesi i motorit, një burrë 62-vjeçar është dërguar në Spitalin Ushtarak dhe po kryen një ndërhyrje kirurgjikale pasi ka thyer këmbën.

Si pasojë e aksidentit të ndodhur tek Unaza e re u bllokua trafiku për disa momente.

Policia në vendngjarje po kryhen hetimet për të zbuluar shkaqet e këtij aksidenti.

(Gre.M/Shqiptarja.com)