Dy persona kanë rënë në prangat e policisë ndërkohë që një tjetër është shpallur në kërkim, pasi në afërsi të një pike karburanti do të shkëmbenin një sasi lënde narkotike.

Sipas policisë, janë kapur në flagrancë Klejd Myftarago, 22 vjeç dhe Klauden Muçogllava, 24 vjeç, ndërkohë që u shpall në kërkim një shtetas me kombësi siriane W. H., 18 vjeç.

Tre personat dhe disa të tjerë, ende të paidentifikuar, dyshohej se në afërsi të një karburanti pranë një qendre tregtare do të kryenin një shkëmbim të një sasie të konsiderueshme me lëndë narkotike të llojt "Cannabis Sattiva".

Klejd Myftarago drejtonte automjetin tip "Mercedes Benz" dhe pasagjer ishte Klauden Muçogllava, kanë ndezur automjetin e tyre për tu larguar por janë neutralizuar menjëherë nga punonjësit e policisë.

Siriani W. H., i cili ishte  drejtues i automjetit tip "Chevrolet" pas thirrjes së punonjësve të policisë "Ndal Policia" ka arritur të largohet me shpejtësi, duke dëmtuar njërin nga mjetet e punonjësve të policisë.

Redaksia Online
(F.T/shqiptarja.com)