POP 5

Lajmet më të lexuara të 5 minutave të fundit

Kronikë

Përdoruesi i drogës vetëvaret në Bllokun e Sigurisë! Mjeku s’rekomandoi metadon, por ilaç për ankthin, nis hetimi

Një 46-vjeçar i arrestuar për vjedhje, përdorues droge, u vetëvra me tutat e tij në dritaren e qelisë së Bllokut të Sigurisë në Tiranë. Agjencia e Mbikëqyrjes Policore, ka nisur një hetim, si për veprimet e policisë gjatë qëndrimit të arrestuarit në qeli, ashtu edhe për recetën që mjeku i caktoi, qetësues ankthi, në vend të metadonit, medikament i posaçëm për të qetësuar simptomat e varësisë nga droga.

Tiranë- Donald Greku, 46 vjeç, i arrestuar të martën për vjedhjen e të paktën 4 portofolave në urbanët e Tiranës, u gjet i pajetë rreth orës 01:20 të së enjtes, nga punonjësit e policisë në qelinë e tij në Bllokun e Sigurisë. Burri u gjet i vetëvarur me një copë rrobe që kishte grisur nga tutat që kishte veshur, në rrjetën e dritares së dhomës. Sapo e konstatoi njëri prej policëve, preu rrobën dhe menjëherë u njoftua urgjenca, të cilët pasi mbërritën në bllokun e Sigurisë, konstatuan se Donald Greku kishte ndërruar jetë.

Në momentet e para të arrestimit nga shërbimet e komisariatit numër 3, 46-vjeçari u kishte thënë efektivëve se është përdorues i lëndëve narkotike të forta. Sipas procedurës, ai u dërgua për vizitë në shërbimin e toksikologjisë, ku pasi iu bënë analizat që faktuan se është përdorues narkotikësh, agjentët e dorëzuan pranë Bllokut të Sigurisë.

Mjekët e shërbimit të toksikologjisë, sipas njoftimit zyrtar të policisë, nuk përcaktuan dozë metadoni, e cila zakonisht u jepet personave përdorues për të lehtësuar simptomat e varësisë ndaj drogës. Nga kontakti që është krijuar me qendrën “Aksion Plus”, është konfirmuar nga policia se Donald Greku nuk figuronte i regjistruar si përdorues metadoni. Bluzat e bardha rekomanduan që 46-vjeçarit t’i jepet qetësues Xanax, i cili zakonisht përdoret për të lehtësuar ankthin dhe çrregullimet e panikut.

Mbetet e paqartë se çfarë e ka detyruar 46-vjeçarin të ndërmarr aktin e një vetëflijimi brenda qelisë, por për të zbuluar se çfarë ndodhi dhe nëse e gjitha erdhi si pasojë e mungesës së drogës që mund t’i ketë krijuar panik Agjencia e Mbikëqyrjes Policore ka nisur një hetim si për qëndrimin brenda Bllokut të Sigurisë ashtu edhe nëse receta e lëshuar nga mjeku ishte e duhura.

Xh.K/G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Mars, 10:09

    Sa e dëshironi integrimin e Shqipërisë në Bashkimin Europian?

Lajme të tjera



×

Lajmi i fundit

Katërnjakët marrin kartën e anëtarësisë së PS, Rama batuta: Erdhët me kap pasaportën e BE

Katërnjakët marrin kartën e anëtarësisë së PS, Rama batuta: Erdhët me kap pasaportën e BE

22 Mars, 00:03