TIRANË- Një 27-vjeçar është ekzekutuar mesditën e kësaj të shtune në aksin e njohur Sauk-TEG në një atentat të mirfilltë të organizuar kundër tij. Autorët kërkonin vdekjen e të riut, pasi i kishin vënë një sasi të konsiderueshme prej 150 gramësh tritol të komanduar me telekomandë, në pjesën e përparme të makinës e cila është aktivizuar gjatë lëvizjes. Viktima është identifikuar si Aleksandër Sadikaj, 27-vjeç, nga Berati, por që jetonte në Memaliaj, origjina e nënës, ku dhe kishte një resort në emër të tij. 27-vjeçari ishte një person me precedentë të theksuar kriminal, për rrjedhojë pista kryesore e hetimeve është e shkuara e tij. Report Tv ka siguruar pamje pak pas shpërthimit, teksa mjeti u përfshi nga flakë të mëdha.
Si ndodhi ngjarja?
Aleksandër Sadikaj ishte nisur drejt Memaliaj, por në aksin Sauk-TEG, makina me targa AB077PO, jo në pronësi të tij, me të cilën ai po lëvizte shpërtheu, si rrjedhojë e sasisë së tritolit. Autorët janë treguar të kujdesshëm, kjo pasi kanë vendosur që të bëjnë shpërthimin e komanduar në një moment kur nuk ka pasur në rrugë asnjë makinë tjetër përreth Sadikajt, duke shmangur rrezikun që nga ai shpërthim të vritej një person i pafajshëm. Nga shpërthimi Sadikaj ka humbur 2 gjymtyrët e poshtëm, këmbët, por ia ka dalë që të dilte vetë nga makina, siç shihet edhe në foton që Report Tv disponon. Ai është ndihmuar edhe nga kalimtarët, teksa është dërguar me urgjencë në spital, por për fat të keq nuk ia ka dalë që t'i mbijetonte plagëve të marra, për rrjedhojë humbi jetën.
Kush është Aleksandër Sadikaj?
27-vjeçari Aleksandër Sadikaj është një njeri me precedent të theksuar kriminal në fushën e vjedhjes, krimeve ndaj personit dhe narkotikëve. Ai rezulton pronar i një resorti me pistë hipizmi, i njohur si “Sancho Farm Albania” në Memaliaj, vendi i origjinës së nënës. 3 vite më parë, në korrik të 2019 ai ishte i përfshirë në një tjetër ngjarje kriminale ku ka tentuar që të vrasë me thijë 40-vjeçar nga Vlora Berti Tahiraj, pranë Kanalit të Cukës në Sarandë. Ndërkohë, rezultonte ai autorë i disa vjedhjeve apo kundërshtimeve të urdhrave të policisë. Përveç akuzave të tjera ndër vite, para 5-6 vitesh ai dyshohet se ka kryer një vrasje në Athinë për prishje pazaresh të drogës.
Pista kryesore e hetimeve
Grupi hetimor ka shkuar në vendngjarje për mbledhur prova që mund t’i çojnë drejt autorëve të mundshëm, ndërsa janë marrë edhe kamerat e sigurisë së një karburanti aty pranë. I pranishëm ishte edhe drejtori i Policisë Kriminale Tiranë, Tonin Vocaj. Pistë kryesore e hetimeve mbetet e shkuara e të riut. Megjithatë pritet që të shikohet nëse ai ka pasur ndonjë konflikt së fundmi. Për të hedhur më shumë dritë, pritet që të merren në pyetje familjarët e tij.
Viktima e sotme, Aleksandër Sadikaj, përveç akuzave të tjera ndër vite, para 5-6 vitesh dyshohet se ka kryer një vrasje në Athinë për prishje pazaresh për drogë.
Report Tv ka siguruar foto vetëm pak minuta pasi ndodhi atentati ku u ekzekutuar Aleksandër Sadikaj. Siç shihet në pamje, qytetarët kanë dalë të tmerruar nga makinat e tyre, teksa në zonë është bërë një trafik i rënduar, i cili është liruar pas disa orësh.
Aleksandër Sadikaj, i cili u ekzekutua sot në Tiranë, ka qenë i përfshirë në një tentativë vrasjeje, Report Tv ka mësuar detaje të reja, ku mësohet se bëhet fjalë për një ngjarje e ndodhur në korrik të vitit 2019 në një plazh në zonën pranë Kanalit të Cukës në Sarandë. Mësohet se ai ka qëlluar 3 herë me thikë në krah dhe në gjoks 40-vjeçarin nga Vlora, Berti Tahiraj, i cili gjatë transportimit për në spital u aksidentuar me makinë në vendin e quajtur “Kryqëzimi Mish-Peshkut”. Lidhur me këtë ngjarje, ditën që ndodhi Sadika u shpall në kërkim teksa në 30 korrik mori dhe masën e sigurisë në mungesë "Arrest në burg" nga Gjykata e Sarandës, por nuk dihet se si Prokuroria e ka mbyllur këtë dosje.
Report Tv ka siguruar një foto vetëm pak minuta pas shpërthimit me tritol në makinë, ku shënjestër ka qenë Aleksandër Sadikaj. Në foto, shikohet teksa Sadikaj i është dhënë ndihma e parë nga disa qytetarë. Sadikaj shfaqe i "shpërfytyruar" i bërë zi nga tymi, teksa nuk mund të ecë dot për shkak se kishte humbur këmbët.
Report TV ka siguruar foton nga momenti kur Aleksandër Sadikaj ka dalë nga automjeti që shpërtheu si pasojë e tritolit të vendosur, teksa mund të shihet edhe që 27-vjeçari ka humbi 2 gjymtyrët e poshtme, këmbët.
Gazetari i Report Tv, Sokol Dema ka siguruar foton e 27-vjeçarit Aleksandër Sadikaj. Mësohet se ai është ekzekutuar ditën e sotme në një atentat të mirëorganizuar.
Report Tv ka mësuar detaje të reja lidhur me të shkuarën e 27-vjeçari Aleksandër Sadikaj, i cili mësohet se është me precedent të theksuar kriminal. Ai është me origjinë nga fshati Mbollan. Ka jetuar në lagjen '22 tetori' në Berat, por shtëpinë e ka shitur para 4-5 vitesh. Prindërit i janë divorcuar dhe ai jetonte me nënë e tij në Tiranë.
E shkruara kriminale e Aleksandër Sadikaj
Aleksandër Sadikaj, 27 vjeç, lindur në Berat, banues së fundi në Tiranë, person me precedent të theksuar kriminal, në fushën e vjedhjes, krimeve ndaj personit dhe narkotikëve.
Më 09.04.2011 është arrestuar në Berat, pasi, së bashku me një person tjetër kanë tentuar të vjedhin në subjektin AlbTelecom-Berat;
Më 30.04.2011 është shpallur në kërkim nga Komisariati i Policisë Vlorë, pasi Gjykata e Vlorës i ka caktuar masën e sigurisë “Arrest në burg”, për veprën penale “Vjedhja”, kryer në bashkëpunim;
Më 31.05.2017 është shpallur në kërkim nga Komisariati i Policisë Nr.2 Tiranë, pasi Gjykata e Tiranës i ka caktuar masën e sigurisë “Arrest në burg”, për veprën penale “Kundërshtimi i punonjësit të rendit publik”. Më 23.08.2018, Gjykata e Tiranës e ka dënuar me 8 muaj burgim, për këtë vepër;
Më 29.05.2017 është shpallur në kërkim nga Komisariati i Policisë Nr.2 Tiranë për veprat penale “Goditje për shkak të detyrës”, “Mosbindja ndaj urdhrit të punonjësit të policisë së rendit publik” dhe “Kundërshtimi i punonjësit të rendit publik”;
Më 09.07.2019 është shpallur në kërkim nga Komisariati i Policisë Sarandë, pasi në bashkëpunim me një shtetas tjetër, gjatë një konflikti për motive të dobëta, kanë plagosur me thikë shtetasin A. D., duke i shkaktuar dëmtime serioze në trup;
Më datë 30.07.2019, Gjykata e Sarandës i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë.
Gjithashtu, për këtë shtetas, disponohen informacione në rrugë operative se kryente veprimtari kriminale edhe në fushën e narkotikëve.
Report TV sjell foto të makinës në të cilën po udhëtonte Aleksandër Sadikajt, i cili humbi jetën si pasojë e atentatit që iu bë në Tiranë. Fotoja është shkrepur vetëm pak sekonda pasi ndodhi shpërthimi i fuqishëm, teksa makina është përfshirë nga flakët.
Drejtori i Policisë Kriminale të Tiranës, Tonin Vocaj ka mbërritur në vendin e ngjarjes ku iu bë atentat 27-vjeçarit Aleksandër Sadikaj i cili mbeti vrarë.
Makinës që shpërtheu në Tiranë, dyshohet se i ishte vendosur një sasi prej 150 gramësh tritol.
Shpërthimi i makinës në Tiranë është bërë me bombë të telekomanduar teksa ajo ishte në ecje. Report Tv mëson se 27-vjeçari, drejtues i mjetit, ka dalë vetë nga mjeti pas shpërthimit pa gjymtyrë, por nuk i mbijetoi dot plagëve të rënda që mori, e për pasojë ndërroi jetë.
Report Tv ka siguruar pamje nga momenti i shpërthimit të makinës në aksin Sauk-TEG. Ku në një moment të videos
Drejtuesi i mjetit që iu vu tritol në makinë, ka ndërruar jetë. Aleksandër Sadikaj, 27 vjeç nuk mundi ti mbijetonte plagëve të rënda që mori si pasojë e shpërthimit.
Komente
Lajme të tjera
-
Kremtohet 80-vjetori i eliminimit të 39 intelektualëve të Tiranës! Ndregjoni: I vranë komunistët e Enver Hoxhës!
17 Nëntor, 20:11
-
Asani vë në alarm Sylvinhon, analiza të detajuara për Ukrainën! Kuqezinjtë stërviten pas ndeshjes me Çekinë
17 Nëntor, 14:31 -
Kamëz/ Shpërthim në godinën e përshtatur si studio muzikore, shkaktohen vetëm dëme materiale
17 Nëntor, 10:58 -
Sot 80 vjetori i Çlirimit të Tiranës nga pushtuesit nazistë, homazhe te ‘Ushtari i Panjohur’! Veliaj: Të lëmë përçarjet për përparimin e shoqërisë
17 Nëntor, 08:29 -
Liga e Kombeve/ S'ka 'krisma' në Tiranë, Shqipëria dhe Çekia barazojnë 0-0! Grupi B1 i hapur, të martën vjen Ukraina
16 Nëntor, 22:46 -
Rehabilitohet blloku i banimit në Njësinë 3, Veliaj: Tirana, një kantier investimesh, buxheti 2025, më transformuesi
16 Nëntor, 13:07 -
Prokuroria e Tiranës dërgon për gjykim biznesmenin Julian Morina! Ndërtoi pa leje në Tiranë në një sipërfaqe prej 16 mijë metra katror
16 Nëntor, 10:26 -
Vrasja e Eduart Reçit/ Policia kthehet në vendin e krimit! Prova për të zbuluar nga qëlluan autorët! Biznesmeni i ndërtimit mund të jetë vrarë me armë sportive
16 Nëntor, 10:11
-
Tiranë, ndalohet 16 vjeçari, akuzohet se shpërndau në rrjete sociale foto e video porno të një të mitureje
16 Nëntor, 08:51 -
Sot në 20:45 Shqipëri - Çeki/ 'Blindohet' Tirana, rrugët që bllokohen dhe kontroll për tifozët! Policia tregon planin e masave
16 Nëntor, 07:53 -
Kokaina nga Amerika Latine përpunohej në laborator në Fushë Krujë e çohej në BE! Baza edhe tek 'Kodra e Diellit 2'! SPAK: 10 të arrestuar mes tyre 3 të huaj! Në 48 ton lëkurë gjedhi fshihet droga e importuar (EMRAT)
16 Nëntor, 07:23 -
Gjakmarrjet mes fiseve Toptani, Bargjini dhe Jella për të rrëmbyer Tiranën! Esencë
15 Nëntor, 21:19
KESHTU duhet t'ia beni dhe gjyqtareve dhe prokuroreve ,,qe lirojne kriminelet....
PërgjigjuArrestuar per here te pare më 09.04.2011, dmth kur ka qene 16 vjeç! Me aktivitetin qe shenohet me pas rezulton se sistemi i drejtesise shqiptare ka deshtuar ne rehabilitimin dhe edukimin e tij ne suksesin me te madh te mundshem! Drejtesia paska perfituar vetem shuma korruptive, sepse nuk citohet te jete denuar me gjithe ato vepra qe paska kryer dhe kjo i ka dhene krahe per te hyre thelle e me thelle deri sa ka hasur ne hundelesh me telekomande! Ngushellime familjes!
PërgjigjuKESAJ I THONE NJE DUMAN BIE,,QINDRA NGRIHEN...
PërgjigjuGjynah i ri, Shpiperia ishte nje here tani nuk ka me.
PërgjigjuO ARJAN,,,,populli nuk ka shume faj,,faj ka qeveria qe nuk I fut njerezit ne pune,,,sepse I vjedh parate,,,e keshtu ata merret me vjedhjet e droge....
PërgjigjuHE,,BENI SI TE FORTE,,,VIDHNI,,DHE MERRUNI ME DROGE,,,,SE DO JUA FUSIN DINAMITIN NE BYTHE,,JO POSHTE MAKINES,,,E DO DILNI PA KOKE NGA MAKINAT.... JU RROFSHIN LEKET PASTAJ,,ATO LEKE DO JUA HANE GRATE ME DASHNORET...
PërgjigjuKete fat pacin edhe ata gjyqetare e prokuror qe i lene te lire pa as 1 dite burge kriminelat.
PërgjigjuNuk e kemi ne kete fat jo. Gjyqtaret dhe prokuroret jane te lidhur me krimin dhe mbrohen nga vete krimi. Nese do zbatohej ligji nga drejtesia ashtu si duhej, 90% e ngjarjeve te tilla terroriste do ishij parandaluar.Drejtesia ketu i ks daurt e lyera me gjak.
Shum tragjike menyra se sa pabesisht dhe me mllef e vran ngushullime
PërgjigjuTaksirat i atij qe ka paguar vrasjen. Po te kishim nje shoqeri e nje sistem te organizuar sakte ky tipi do ishte ne burg pjesen me te madhe te jetes, por fatkeqesisht kemi ende nje perqindje te larte njerezish (edhe ne administraten e shtetit dhe drejtesise) qe per jetese luksi e prej pangopshmerise jane gati te sakrifikojne cdo ekujliber te shoqerise.
PërgjigjuTelekomanda Top! ????
PërgjigjuAlbanistan prap cdo dit vrasje atentate tritol, nuk behet ky vend mo.
PërgjigjuDuhet me kujtuar nganjehere historine, me shume se gjysma e popullit mendonin se Enveri vdiq pasi mendonte shume per popullin. Dhe tani eshte e njejta gje, gjysma mendon se ky vend nuk behet pa Berishen dhe gjysma tjeter pa Edin. Çfare lidhje ka me atentatin ? Vrasesi eshte nje anetar i mafies Berisha, ose mafies Rama. Viktima nuk ka lidhje me mafian dmth eshte i pa rendesishem per qeveritaret tane. Ngushellime families.