POP 5

Lajmet më të lexuara të 5 minutave të fundit

Kronikë

Tiranë/Për herë të parë gjobiten 36 drejtues biçikletash, nuk lëvizën në korsinë e dedikuar për ta dhe s'respektuan semaforin

36 drejtues biçikletash janë gjobitur pasi nuk kanë respektuar korsinë e biçikletave të dedikuar për ta, nuk kanë respektuar semaforët duke u shndërruar në një rrezik për këmbësorët, por edhe shkaktarë për aksidentet.

TIRANË- 36 drejtues biçikletash janë gjobitur për herë të parë pasi nuk kanë respektuar korsinë e biçikletave të dedikuar për ta si dhe nuk kanë respektuar semaforët duke u shndërruar në një rrezik për këmbësorët, por edhe shkaktarë për aksidentet.

Këto gjoba janë vendosur vetëm gjatë 24 orëve të fundit, pas monitorimit të kryer nisur nga fakti që gjatë kësaj kohe ka ardhur në rritje numri i personve që përdorin biçikletën si mjet transporti. Pavarësisht së ne qytet ka pista të dedikuar për lëvizjen e tyre, duket se drejtuesit e biçikletave nuk janë ndërgjegjësuar mjaftueshëm, çka u ka kushtuar edhe gjobitjen.

36 drejtuesit e biçikletave janë gjobitur me 1 mijë lekë, e ndërsa sipas Kodit Rrugor parashikohen ndëshkime që fillojnë nga 250- 1000 lekë. 

"Pedalo biçikletën në pistat e rezervuara për to, respekto rregullat, për sigurinë tende dhe të tjerëve në rrugë. Duke konsideruar rritjen e ndjeshme të përdoruesve të biçikletave në kryeqytet dhe faktin që në disa ngjarje rrugore janë përfshirë shumë drejtues biçikletash, rrugorët e kryeqytetit, prej disa ditësh kanë analizuar me kujdes mekanizmat e ngjarjeve rrugore dhe shkaqet e tyre. Me qëllim disiplinimin e lëvizjes së drejtueseve të biçikletave sipas dispozitave të parashikuara në nenin 180 të Kodit Rrugor shqiptar, por edhe parandalimin e ngjarjeve të rënda që vijnë edhe si pasojë e shkeljeve të rregullave të qarkullimit rrugor nga drejtuesit e biçikletave, janë monitoruar dhe organizuar kontrolle në disa prej rrugëve kryesore të kryeqytetit, të cilat edhe pse tashmë janë të pajisura me pista të rezervuara për biçikletat, shumë drejtues biçikletash preferojnë të qarkullojnë në korsitë e lëvizjes së automjeteve apo në korsitë e shërbimit publik, duke u kthyer në një rrezik permanent për veten dhe përdoruesit e rrugës në tërësi.

Krahas monitorimit dhe këshillave ndaj kësaj kategorie, për kujdes të shtuar gjatë përdorimit të rrugës, nuk kanë munguar edhe masat administrative për ata që nuk përdorin pistat e rezervuara, nuk respektojnë sinjalizimin e ndritshëm semaforik, nuk marrin biçikletën për dore dhe si pasojë e kushteve të qarkullimit, bëhen pengesë ose rrezik për këmbësorët", njofton policia.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sot: 28/05/2020 13:10

    Keta te nisin te vendosin gjoba kur te jene totalisht ne rregull per vete. Jo te gjitha korsite e bicikletave jane si keto ne foto, nje pjese e madhe e tyre jane shtruar me pllaka ( sidomos ne rrethe ). Eshte njesoj sikur rrugen e makinave ta shtronin te gjithen me "kalldrem".Keshtu edhe kembesori, do ta dalloje troutuarin (1.5 m te gjere) nga korsia e bicikletave (1.5-1.8 m te gjere).

    Përgjigju
  • Neandertali: 28/05/2020 00:47

    Qytetrimi ka rregulla..,Albanesit I pelqen kaosi e anarkiA,secili per vete.. pleehrat nga ballkoni,murin e kulles sa me nalt(e bash n'buze t'rruges s'qerres) Dum me vjedh,qyl,qelepir..,asnji Yaks s'dum me pague...,por dum Shtet me na Sherbye...!

    Përgjigju
  • Erjon: 27/05/2020 22:21

    Bravo, madje jo 1 mije por 10 mije leke duhet te ishte gjoba. Po nuk u pagua brenda 15 diteve ciklisti duhet te denohet me burg si dhe bicikleta te sekuestrohet dhe te shitet per skrap. Mjaft me, a do hyjme ne be apo jo? BURG!!!!

    Përgjigju
  • Lui: 27/05/2020 20:52

    Mire e kane per disiplinimin e biciklisteve, por duhen gjoba edhe per kembesoret qe ecin ne korsine e bicikletave sepse edhe keta pseudoqytetare jo vetem qe behen burim aksidenti me bicikletat, por edhe burim konflikti midis njerezve

    Përgjigju
  • liku: 27/05/2020 17:53

    Policia nuk e ka te qarte levizjen e bicikletave se asnje drejtues biçiklete nuk duhet te levize pa kokore

    Përgjigju
  • [email protected]: 27/05/2020 17:10

    Po per kembesoret dele kur do filloni me gjoba se na can levrekun tu e kalu autostraden me vrap nne nje koh qe lopa kalon gjithmon ne mbikalim

    Përgjigju
    • Ujku: 27/05/2020 19:21

      Delja nuk gjobitet por behet kurban

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Bind Myrto Uzuni, Granada i kërkon rinovimin me përmirësim page

Bind Myrto Uzuni, Granada i kërkon rinovimin me përmirësim page

29 Nëntor, 12:35