POP 5

Lajmet më të lexuara të 5 minutave të fundit

Kronikë

Tiranë/ Përshtatën banesën për shitjen e kanabisit, arrestohen 23-vjeçari shqiptar dhe një shtetas turk! Në kërkim një tjetër, sekuestrohen 5 kg lëndë narkotike

Policia ka finalizuar operacionin policor të koduar “Collaboration 1”, duke zbuluar një banesë të përshtatur për përgatitjen e dozave të kanabisit. Gjatë operacionit janë sekuestruar 5 kg lëndë narkotike kanabis dhe 2 peshore elektronike.

TIRANË - Policia ka finalizuar operacionin policor të koduar “Collaboration 1”, duke zbuluar një banesë të përshtatur për përgatitjen e dozave të kanabisit. Gjatë operacionit janë sekuestruar 5 kg lëndë narkotike kanabis dhe 2 peshore elektronike.

Në kuadër të këtij operacioni, janë arrestuar S. H., një 23-vjeçar nga Tirana, dhe B. S., një shtetas turk, ndërsa është shpallur në kërkim Xh. B., një tjetër shtetas, i dyshuar si bashkëpunëtor në këtë aktivitet kriminal. Hetimet dyshojnë se këta shtetas ishin të përfshirë në sigurimin, ndarjen dhe shitjen e lëndës narkotike në Tiranë.

'Në kuadër të këtij operacioni, u arrestua në flagrancë shtetasi S. H., 23 vjeç, banues në Tiranë dhe u shpall në kërkim shtetasi Xh. B. Nga veprimet hetimore dyshohet se këta bashkëpunonin për sigurimin e lëndës narkotike, ndarjen e saj në doza dhe shitjen e tyre në qytetin e Tiranës.', njofton policia.

Gjatë kontrollit në banesën e marrë me qira nga shtetasi Xh. B., janë gjetur dhe sekuestruar sasia e lëndës narkotike dhe peshoret elektronike, të cilat përdorej për ndarjen e kanabisit në doza. Po ashtu, shtetasi turk B. S. u kap në flagrancë me një sasi të lëndës narkotike kanabis që dyshohet se ia kishte blerë 23-vjeçarit.

'Gjatë kontrollit në banesën e marrë me qira nga shtetasi Xh. B., shërbimet e Policisë kanë gjetur 5 kg lëndë të dyshuar narkotike kanabis dhe 2 pershore elektronike, që u sekuestruan në cilësinë e provës materiale.', thotw policia.

Materialet procedurale janë dorëzuar në Prokurorinë për veprime të mëtejshme.

'Gjithashtu, në kuadër të këtij operacioni, u arrestua shtetasi B. S., 24 vjeç, banues në Turqi, pasi u kap në flagrancë me një sasi lënde narkotike kanabis që dyshohet se ia kishte blerë 23-vjeçarit.'

G.K/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 21 Janar, 08:38

    14 vite nga vrasja e 4 protestuesve, do bëjë SPAK drejtësi për 21 janarin?

Lajme të tjera



×

Lajmi i fundit

Tiranë/ Zjarri i një dite më parë në katin e katërt të një ndërtese në 'Komunën e Parisit', Policia: Janë djegur zyrat e një banke të nivelit të dytë dhe një restorant

Tiranë/ Zjarri i një dite më parë në katin e katërt të një ndërtese në 'Komunën e Parisit', Policia: Janë djegur zyrat e një banke të nivelit të dytë dhe një restorant

21 Janar, 14:54