POP 5

Lajmet më të lexuara të 5 minutave të fundit

Kronikë

Plagoset efektivi i FNSH-së në Tiranë, policia: E qëlloi gabimisht kolegu gjatë përgatitjes për stërvitje! Pezullohet nga detyra

Një efektiv i Forcave të Ndërhyrjes së Shpejtë është plagosur aksidentalisht dje në mesditë (15 shkurt) nga një koleg i tij gjatë përgatitjes për stërvitje brenda repartit të FNSH-së. Megjithëse fillimisht u raportua si vetëplagosje, policia sqaroi sot se inspektori K.Ç, ka plagosur në këmbë inspektorin Xh.L

Plagoset efektivi i FNSH-së në Tiranë, policia: E qëlloi gabimisht kolegu gjatë përgatitjes për stërvitje! Pezullohet nga detyra

Foto ilustruese

TIRANË- Një efektiv i Forcave të Ndërhyrjes së Shpejtë është plagosur aksidentalisht dje në mesditë (15 shkurt) nga një koleg i tij gjatë përgatitjes për stërvitje brenda repartit të FNSH-së. Megjithëse fillimisht u raportua si vetëplagosje, policia sqaroi sot se inspektori Konstandin Çipi dyshohet nga pakujdesia i ka shkrepur arma e shërbimit dhe për pasojë ka plagosur në këmbë inspektorin Xhojsi Lamaj, i cili ndodhet në spital, jashtë rrezikut për jetën.

Ndërsa punonjësi i Policisë Konstandin Çipi është pezulluar nga detyra. 

'Më datë 15.02.2024, rreth orës 12:40, në ambientet e Njësisë së Sigurisë Publike Tiranë, punonjësi i Policisë Inspektor K. Ç., gjatë përgatitjes për stërvitje, dyshohet se nga pakujdesia i ka shkrepur arma e shërbimit dhe për pasojë është plagosur në këmbë, punonjësi i Policisë Inspektor Xh. L., i cili ndodhet në spital, jashtë rrezikut për jetën. Ndërsa punonjësi i Policisë K. Ç. është pezulluar nga detyra. 

Menjëherë është ngritur grupi hetimor në drejtimin e Prokurorisë pranë Gjykatës së Shkallës së Parë të Juridiksionit të Përgjithshëm Tiranë dhe veprimet procedurale për këtë rast po kryhen nga AMP. 

Drejtoria e Standardeve Profesionale ka filluar një hetim të thelluar administrativ për mosrespektimin e procedurave standarde për mbajtjen dhe administrimin e armëve të brezit, nga punonjësit e Policisë. 

Në përfundim të këtyre veprimeve, Prokuroria, Policia Gjyqësore dhe AMP kanë nisur procedimin penal në gjendje të lirë, për punonjësin e Policisë K. Ç., për plagosje nga pakujdesia.'- njofton policia.

M.Q./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kazakistan/ Rrëzohet avioni me të paktën 70 pasagjerë në bord! 6 të mbijetuar

Kazakistan/ Rrëzohet avioni me të paktën 70 pasagjerë në bord! 6 të mbijetuar

25 Dhjetor, 08:46