TIRANË - Gjendet një person i plagosur me thikë sot në mbrëmje rreth orës 19:00 pranë zonës së ‘Selvisë’ në kryeqytet.

I plagosuri quhet Selidon Hysi, 33 vjeç, i cili pasi është gjetur, është dërguar menjëherë në Spitalin e Traumës.

Sipas mjekëve, ai ka marrë dy të çara të lehta me thikë dhe është jashtë rrezikut për jetën.

Policia ka mbërritur në vendngjarje dhe ka shoqëruar disa vetë, për t'i pyetur në lidhje me autorin apo autorët e plagosjes.

Deri tani dyshohet se Hysi është plagosur, pasi është grindur në një bar-kafe.

Redaksia Online
(mag/shqiptarja.com)