POP 5

Lajmet më të lexuara të 5 minutave të fundit

Tiranë/ Po kalonte rrugën, kamioni përplas për vdekje 35-vjeçaren në zonën e Astirit

 Një aksident me vdekje është regjistruar këtë mbrëmje në Tiranë. Një 35-vjeçare është përplasur për vdekje nga një kamion.

TIRANË- Një aksident me vdekje është regjistruar këtë mbrëmje në Tiranë. Një 35-vjeçare është përplasur për vdekje nga një kamion. Ngjarja është regjistruar rreth orës 20:00 në Unazë të Re, në rrugën Teodor Keko.

Mësohet se 35-vjeçarja E. N., ka qenë duke kaluar rrugën. Ajo kishte qenë në market duke blerë disa ushqime dhe më pas ka qenë duke u kthyer në shtëpi. Duke kaluar rrugën, ajo është përplasur nga kamioni që po transportonte bitium. E reja nuk mundi t’i mbijetonte plagëve të marra dhe për pasojë ndërroi jetë në vendin e ngjarjes. 35-vjeçarja banonte në zonën e Astirit, në një banesë më qira.

Report Tv ka qenë në vendin e ngjarjes, teksa sjell edhe pamje, ku duket edhe kamioni që përplasi për vdekje të renë. Në zonën ku ka ndodhur aksidenti është aks që ndalohet kalimi i këmbësorëve për shkak të fluksit të lartë të automjeteve që ka. Për të kaluar rrugën, ka vetëm dy opsione, nënkalimi pranë vendit të ngjarjes dhe kryqëzimi që ndodhet në qendër të Astirit.

Aksidenti shkaktoi trafik të rënduar në zonë, ndërsa u desh ndërhyrja e policisë për të lehtësuar qarkullimin e makinave.

Ndërkohë, një tjetër aksident me vdekje është regjistruar gjatë ditës së sotme. Një mjet bujqësor në Korçë është përplasur me një motor, për pasojë humbën jetën, drejtuesi i motorit Arian Xhuti, 46-vjeç dhe për pasagjerja e mjetit bujqësor, Hatixhe Kulla, 58-vjeç.

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gjynah: 14/09/2022 08:13

    Po se kuptoj si mund te shtypi kamioni gjith ai kamion shikohet se nuk ka shpejtesi

    Përgjigju
  • Tirona: 13/09/2022 23:16

    Gjynof e shkreta . Por ajo rrug do myll e të hapet kur të jetë e marume plotësisht se me kte stil hao 1 krah e myll 1 tjetër nuk qisni gjo në drritë vetëm jetë njerzish merni në qaf

    Përgjigju
  • Sondazhi i ditës:

    A duhet miratuar rezoluta anti-korrupsion e propozuar nga PS?

Lajme të tjera



×

Lajmi i fundit

Makina del nga rruga në Lushnjë, përfundon në oborrin e një banese, zhduket shoferi! E ëma kërkon të birin: Ku është djali, nuk është gjallë ai

Makina del nga rruga në Lushnjë, përfundon në oborrin e një banese, zhduket shoferi! E ëma kërkon të birin: Ku është djali, nuk është gjallë ai

24 Maj, 07:52