POP 5

Lajmet më të lexuara të 5 minutave të fundit

Sociale

Tiranë/ Qendra sociale në Kombinat, 'destinacioni' i vetëm për pensionistët: Kemi zënë miq të mirë

Qendra sociale “Të qendrojmë së bashku”, në Kombinat është kthyer në destinacionin e vetëm për gjithë të moshuarit e vetmuar. Pensionistët tregojnë për Report Tv gjithë aktivitetet që kryejnë, duke u shprehur entuziastë për mundësinë që u ka dhënë kjo qendër që mos kalojnë pleqërinë e tyre në vetmi.

I bashkon qendra sociale por historitë e jetës i kanë të ndryshme, shumë prej tyre dhe mjaft të trishta. Pensionistë të braktisur, të varfër dhe të vetmuar mblidhen cdo ditë në të njëjtën orë, në qendrën sociale “Të qendrojmë së bashku” në Kombinat, për të kaluar disa orë, më të bukurat e ditës sic i quajnë vetë ata.

Hyda Halipaj është 74 vjec, gjyshi i 38 nipërve dhe mbesave, por që pleqërinë e tij po e kalon në vetmi të plotë. Me lot në sy, ai tregon për Report Tv se nipërit dhe mbesat i ka larg, ndërsa bashkëshortja është e sëmurë. E vetmja mundësi për të kryer disa aktivitete është qendra sociale, aty ky Hyda ka gjetur dhe mjaft miq të mirë.

Këtu është një vend që ne e kemi gjetur një ngrohtësi shumë të madhe, qoftë ,e stafin, qoftë me Drejtoreshën. Unë jam gjysh i 38 nipërve dhe mbesave, i kam të largët, nuk i kam këtu, ata që kam këtu janë në shkolla, nuk kam mundësi tu rri pranë. Kam punuar në Kinostudio, kam shfaqur filma në rrethin e Skraparit, kam punuar 32 vite duke shfaqur filma në ekran.

Hyda Halipaj, pensionist

Të entuziasmuar dhe mjaft të kënaqur, pensionistët tregojnë eksperiencat e tyre, nga udhëtimi i fundit që kishin bërë së bashku.

“Kudo shkojmë, jashtë shtetit kemi vajtur, edhe brenda vendit. Njëherë shkojmë nëpër rrethe, jashtë kemi shkuar, dhe nuk mund të flas edhe më tepër, sepse na janë plotësuar kushtet më së miri”,janë shprehur pensionistët.

Këta të moshuar nuk i bashkon vetëm vakti i drekës, por edhe aktivitete të tjera, si leximi, gatimi apo edhe udhëtimet. Merushe Koxha tregon se i pëlqen të gatuajë për miqtë e saj në qendren sociale, madje tregoi dhe ushqimin që ishte duke përgatitur për vaktin e rradhës, edhe pse në qendër ka plot kuzhinierë.

Po gatuaj kek për Qendrën. Gjithmonë kështu kam ardhur, kam gatuar krepa, kam bërë byrekë,  kemi bërë sultjash.

Merushe Koxha, pensioniste

Mimoza Agalliu, drejtoreshë e Qendrës Sociale “Të qendrojmë së bashku”, tregon senë aktivitetet që kryejnë së bashku, tashmë kanë shtuar dhe një risi.

Kemi një objektiv tjetër, që e kemi fokusuar te udhëtimi. Vetëm brenda këtij viti kemi bërë 3 udhëtime jashtë Shqipërisë.

Mimoza Agalliu, drejtoreshë e Qendrës Sociale “Të qendrojmë së bashku”

Përvec pensionistëve,qendra ofron mjaft shërbime të tjera edhe për fëmijët me aftësi të vecanta dhe plot 25 njerëz punojnë në shërbim të këtyre fëmijëve dhe të moshuarve. Për njerëz të vetmuar dhe në nevojë, qendra sociale “Të qendrojmë së bashku”, është kthyer në shpresën e vetme, që dita e këtyre personave të marrë ngjyra

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Mendoni se lufta ndaj nëndeklarimit të pagave do rrisë ndjeshëm pensionet?

Lajme të tjera



×

Lajmi i fundit

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

Ndotja rekord e të gjitha kohërave, në Pakistan niveli shkon 80 herë më i lartë sesa kufizimi i OBSH

2 Nëntor, 17:15