POP 5

Lajmet më të lexuara të 5 minutave të fundit

Kronikë

Lajme nga emisionet

Tiranë/ Rrëfimi ekskluziv i 22-vjeçares që denoncoi bashkëjetuesin, e akuzon për 'pedofili'! E reja kërkon urdhër mbrojtje: Më kërcënojnë! Bën apel për ndihmë

Një 22-vjecare e cila ka denoncuar në polici bashkëjetuesin e saj për dhunë kërkon urdhër-mbrojtje dhe ndihmë nga shteti pasi në një rrëfim ekskluziv për Report Tv thotë se familjarë të tij e kërcënojnë me jetë nëse nuk tërhiqet. E reja shkon përtej dhunës, kur akuzon ish-bashkëjetuesin 24-vjeçar se ka prova që ai ka abuzuar seksualisht me kushërirën e tij 11-vjeçare.

TIRANE - Eshtë 22 vjeçe, nënë e një vajze të mitur. Sytë i drejton nga shteti që t’i mbrojë jetën por dhe për ta ndimuar. Ndihet e kërcënuar nga familjarët e ish-bashkëjetuesit të saj 24 vjeçar të cilin pak ditë më parë e denoncoi në polici se e dhunonte.  

'E kërcënojnë me jetë, nëse nuk tërheq padinë – rrëfën e reja eksklzuvisht për gazetaren e Report Tv, Besmira Pelushaj.

Njerëzit e tij më thonë hiq denoncimin se do të kesh pasoja. Më merr i vëllai e më thotë tërhiq denoncimin” tregon gruaja.

Megjithë këto kërcënime që pretendon, 22-vjeçarja nuk ka frikë të denoncojë situata edhe më të rënda. Ajo ngre gishtin e akuzës ndaj ish-bashkëjetuesit duke thënë se ka prova që ka abuzuar seksualisht me kushërirën e tij 11-vjeçare. 

"Fliste me cupën e tezes. Unë dyshova diçka e më thoshte jo. Por më vonë kuptova se ai kishte shkuar me cupën e tezes. E zbulova me mesazhe e video. Ishin banale. Ngjarjen ia tregova kunatit i cili më tha të mbyll gojën. I thashë nuk mund të rri urtë pasi unë kam vajzë dhe nuk kam besim tek ai" vijon denoncimin.

Pas kësaj përballje, e reja tregon se 24-vjeçari ngriti dorë ndaj saj. 

“U bë më i dhunshëm. Më kërcënonte me jetë. Më kapi për fyti”  tregon ajo për Report Tv.

E reja thotë se e ka përjetuar dhunën edhe më parë me bashkëjetuesin italian dhe shpresat i kishte të niste një jetë të re pa vuajtje, me 24-vjeçarin të cilit i besoi. 

 “Kam qenë në qendër se kam bashkëjetuar me një italian.  Isha 5 muajshe. E njoha në punë. Ai më lidhte, më dhunonte, derisa nuk e durova dot më dhe bëra denoncimin  në policinë e Durrësit. Kërkova urdhër mbrojtje por nuk më dhanë por më dërguan në Qendër Mbrojtje në Tiranë kur gocën e kisha 2 javëshe.  Qëndrova 1.5 vjet. Aty erdhi një gocë nga Mallakastra e cila qëndroi për 6 muaj dhe më foli për kunatin, vëllanë e burrit.

Në fillim hezitova, se kisha frikë pasi kisha kaluar shumë dhunë, por më pas mendova mos ishte njeri i mirë që unë të kem në krah, sepse unë s’kam njeri,  jam e vetme. Ramiz H. e takova në lokal. Njohja zgjati 1 muaj. Pranova të dilja nga Qendra dhe të bashkëjetoja me të me të gjithë gocën. U soll shumë mirë. Gocën e mbante" 

Gruaja dyshon dhe për raste të tjera abuzimi nga bashkëjetuesi.


“Po ka qenë dhe një tjetër. Ma thanë njerëzit e afërt të tij. Por nuk kam fakte”

E reja kërkon urdhër mbrojtje pasi ka frikë nga familjarët e bashkëjetuesit ndërkohë që frika më e madhe e saj është se s’do të rrijë rrugëve.

Nënë e dy vajzave të mitura bën një apel për ndihmë, pasi jeton në kushte të vështira ekonomike.

 “Jam vetëm me vajzë. Ju lutem më ndihmoni” thotë gruaja në apelin e saj.

24-vjeçari Ramis H. prej 6 shtatorit është në qelinë e paraburgimit pasi u arrestua nga efektivët e komisariatit numër 6 në Tiranë. 

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu