Tiranë-Policia Rrugore e Tiranës ka bërë bilancin e 24 orëve të fundit. Dy shoferë janë vendosur në pranga pasi po drejtonin automjetet nën efektin e lëndëve narkotike dhe tentuan të korruptonin punonjësit e policisë.
Njëri prej të arrestuarve është një 36 vjeçar grek i cili i ofroi 20 euro policisë për të shmangur ndëshkimin. Ndërsa tjetri nën efektin e amfetaminës dhe kokainës kundërshtoi dhe sulmoi verbalisht dhe fizikisht policin gjatë kontrollit. 26 vjeçari i identifikuar si Skerdi Lozi u arrestua për veprat penale të “Drejtimi i mjetit në mënyrë të parregullt” (nën ndikimin e lëndëve narkotike) dhe “Kundërshtim i punonjësit të rendit publik”, të parashikuara nga nenet 291 dhe 236 të Kodit Penal.
Njoftimi i plotë:
Në 24 orët e fundit, Policia Rrugore ka intensifikuar kontrollet në rrugët e kryeqytetit, me fokus parandalimin e drejtimit të mjeteve nën ndikimin e lëndëve narkotike dhe tentativat për korrupsion ndaj punonjësve të policisë.
Gjatë kontrolleve u arrestua shtetasi grek, 36-vjeçari A.Th., i cili u kap duke përdorur telefonin gjatë drejtimit të mjetit dhe pa vendosur rripin e sigurimit. Gjatë procedurës policore, ai tentoi të korruptonte punonjësin e policisë duke i ofruar 20 euro për të shmangur ndëshkimin. Për shkak të sjelljes së tij të dyshimtë, iu bë kontrolli personal, ku u gjetën 4.87 gramë lëndë narkotike e dyshuar si kanabis. Pas testimit me aparatin AquilaScan, ai rezultoi pozitiv për THC dhe u arrestua për veprat penale të “Korrupsion aktiv ndaj personave që ushtrojnë funksione publike” dhe “Prodhimi dhe shitja e narkotikëve.”
Në një tjetër rast, më datë 21.10.2024, në rrugën “Asim Vokshi” tek kryqëzimi i “Don Boskos”, u arrestua shtetasi S.L., 26 vjeç, banues në Tiranë. Ai nuk iu bind sinjalit të punonjësit të policisë për të ndaluar dhe vazhdoi lëvizjen me automjetin e tij. Gjatë ndërhyrjes për ta ndaluar, S.L. kundërshtoi dhe sulmoi verbalisht dhe fizikisht policin. Pas shoqërimit në komisariat dhe testimit, u konstatua se ai drejtonte mjetin nën efektin e amfetaminës dhe kokainës. Ai u ndëshkua me masë administrative dhe iu zbritën 12 pikë nga patenta.
Në kuadër të kontrolleve të shtuara dhe angazhimit të vazhdueshëm për rritjen e sigurisë rrugore, Policia Rrugore ka identifikuar deri tani 128 raste të drejtuesve të mjeteve që kanë rezultuar nën efektin e lëndëve narkotike, të cilët janë ndëshkuar në përputhje me ligjin. Gjithashtu, janë regjistruar 74 raste të tentativave për korrupsion aktiv ndaj punonjësve të policisë, për të cilat janë marrë masa të menjëhershme ligjore ndaj personave përgjegjës.
Policia Rrugore apelon për respektimin e rregullave të qarkullimit rrugor dhe thekson se do të vijojë me kontrolle të shtuara për rritjen e sigurisë në rrugë dhe ndëshkimin e shkelësve të ligjit.
Lajme të tjera
-
Rikthehet 'Parada Shqiptare' më 28 Nëntor në Tiranë! 300 grupe artistike nga Diaspora do të mblidhen në kryeqytetin shqiptar
23 Nëntor, 15:48 -
Veliaj inspekton terminalin veri-perëndimor: Investim i ri që lehtëson trafikun dhe modernizon transportin
23 Nëntor, 11:51 -
Vrasja e Martinit/ Shoqëria civile deklaratë para shkollës 'Fan Noli': Bojkot mësimit nëse nuk merren masa, të dorëhiqet Manastilriu
23 Nëntor, 10:42 -
Gjendet thika me të cilën u vra Martini, autori e hodhi në tarracën e një godine pranë Gjykatës së Apelit, e pikasi një banor! Mister kush e çoi në spital (VIDEO)
23 Nëntor, 10:09
-
Policia i ‘kap mat’ në tavolinën e pokerit, 29 të arrestuar në Tiranë! 1 në kërkim, sekuestrohen para (EMRAT)
23 Nëntor, 09:43 -
Vrau në Krujë vëllezërit Bardhi pasi i plagosën vëllanë, Gjykata e Tiranës dënon me burgim të përjetshëm Roland Pulën
22 Nëntor, 21:19 -
Tiranë/ Policia po zhvillon operacion kundër lojërave të fatit, kapen disa persona
22 Nëntor, 21:19 -
Vrasja e Martinit/ Gjendet pranë Gjykatës së Apelit thika, me të cilën u kry krimi! Bashkë me të edhe çanta e shkollës e 14 vjeçarit të arrestuar si autor
22 Nëntor, 21:09 -
Vrasja e Martinit, zbardhet audioja tronditëse në mbledhjen e prindër te 'Fan Noli': Autori nxori thikën në klasë, mbani përgjegjësi
22 Nëntor, 20:30 -
Gruas i duhet të pastrojë vetë pusetën për të shpëtuar nga përmbytja! Shikoni videon tek 'Myslym Shyri' në Tiranë (VIDEO)
22 Nëntor, 18:23 -
Tiranë/ Plagosja e 20-vjeçarit në 'Qytetin Studenti', arrestohet 19-vjeçari nga Kamza! Nën hetim edhe personi që i shiti thikën
22 Nëntor, 15:46 -
Partia Popullore Europiane 'godet' Sali Berishën, nuk kërkon lirimin e tij! Rezolutë për Shqipërinë, mbështet vijimin e reformave
22 Nëntor, 13:35
