Tiranë/ Mbushën parcelat me 120 bimë kanabis në fshatin Kryezi për herë të dytë, shkatërrohet 'grupi', 7 të arrestuar, mes tyre një kryeplak! Sekuestrohen 5 armë dhe 11 telefona (Emrat)

120 bimë kanabis të mbjella në disa parcela në fshatin Kryezi në Tiranë janë asgjësuar ditën e sotme, ndërsa në pranga kanë rënë 7 "pronarët", mes të cilëve është edhe një kryeplak fshati. Gazetari i Report Tv Sokol Dema raporton se të arrestuarit janë Lulzim Cullhaj, Dashamir Hasanaj, Erdit Muca, Alfred Muca, Kadri Gjoshi, Gert Gjoshi, Xhemal Hidri.

Kjo nuk është hera e parë, pasi edhe në 2020 po i njëjti grup dyshohet të jenë edhe autorë të tentativës për mbjellje lëndësh narkotike po në të njëjtin fshat.

Operacioni Kryezi është finalizuar pas një hetimi 4 mujor dhe bazuar në provat e mbledhura rezulton se të arrestuarit në bashkëpunim me njeri- tjetrin kanë kultivuar në territorin e fshatit Kryezi 120 bimë kanabis të cilat u asgjësuan me djegie gjatë operacionit policor. 

Nga kontrolli  i ushtruar në banesat e tyre dhe gjate ushtrimit të kontrollit personal u konstatuan dhe u sekuestruan në cilësinë e provës materiale katër armë zjarri, një armë gjuetie, municion luftarak si dhe 11 telefona të ndryshëm, konkretisht, një kallashnikov, dy pushkë , një pistoletë dhe një çifte.

Veprat penale për të arrestuarit:

  • •Lulzim Cullhaj 55 vjeç, për veprën penale ‘’Kultivim i bimëve narkotike’’ Organizator i kultivimit të bimëve narkotike në territorin e fshatit Kryezi. .
  • •Dashamir Hasanaj 34 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’, ‘’Shpërdorim i detyrës “.
  • •Erdit Muca, 21 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’,
  • •Alfred Muca 31 vjeç, për veprën penale ‘’Kultivim i bimëve narkotike’’.
  • •Kadri Gjoshi 32 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’,
  • •Gert Gjoshi 36 vjeç, për veprën penale ‘’Kultivim i bimëve narkotike’’.
  • •Xhemal Hidri 32 vjeç, për veprat penale ‘’Kultivim i bimëve narkotike’’ , ’’Mbajtja pa leje dhe prodhim i armëve , armeve shperthyese dhe i municionit’’.

Operacioni u zhvillua nga Komisariati I Policisë Nr. 1 në bashkëpunim me Forcën Operacionale të DVP Tiranë dhe Forcën e Posaçme “Shqiponjat” nën drejtimin e  Prokurorisë së Rrethit Gjyqësor Tiranë. Materialet do ti kalojnë Prokurorisë së Rrethit Gjyqësor Tiranë, për veprat penale  ‘’Kultivim i bimëve narkotike’’ , ’’Mbajtja pa leje dhe prodhim i armeve , armeve shperthyese dhe i municionit’’, ‘’Shpërdorim i detyrës “.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • ylli: 08/09/2021 16:02

    kto jan parcelat e atij katunarit qe ka markaten e peshkut

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet