Plumb në kokë punëtorit teksa rregullonte kondicionerin në vilën tek 'Myslym Shyri', identifikohet autori

TIRANË-  Një 26-vjeçar ndodhet në gjendje të rëndë shëndetësore pasi u plagos me plumb në kokë nga një tjetër person teksa ishte duke rregulluar kondicionerin në një vilë tre katëshe që po rikonstruktohej, në rrugën "Muhamet Gjollesha" në Tiranë, në zonën e "Myslym Shyrit". Policia e Tiranës dha një informacion zyrtar, duke sqaruar se ngjarja ndodhi rreth orës 11:30, ndërsa është bërë i mundur edhe identifikimi i autorit, por për arsye hetimore policia jep vetëm inicialet, L.V banues në Tiranë.

Indrit Çelaj, nga Mallakastra, ishte duke punuar në vilën në rikonstruksion, së bashku me një punëtor tjetër, kur papritur një person ka ardhur me armë duke e qëlluar në kokë. Ata kanë pasur një konflikt të çastit mes tyre, dhe më pas L.V ka qëlluar me pistoletë duke e lënë të palgosur rëndë të riun, dhe më tej është larguar menjëherë nga vila. Ka qenë kolegu i tij që e ka çuar 26-vjeçarin në spital, nga ku mësohet se ndodhet në Spitalin e Traumës në gjendje kome. Ai nuk është në gjendje për të dhënë dëshmi, çka do të hidhte dritë mbi këtë ngjarje të rëndë.

Çelaj ishte duke kryer punime  për kondicionimin e vilës në pronësi të personit me inicialet B.K. Ndërkohë policia ende nuk jep informacione nëse edhe autori ishte një nga punëtorët që po punonte në vilën në rikonstruksion, apo nëse është person që ka ardhur me qëllimin për ta vrarë 26-vjeçarin.

"Grupi Hetimor nën drejtimin e Prokurorisë së Rrethit Gjyqësor Tiranë po vijon punën për zbardhjen e plotë të rrethanave të ngjarjes, si dhe dokumentimin me prova ligjore të autorësisë së kësaj ngjarjeje", thotë policia në një njoftim paraprak.

26-vjeçari Indrit Çelaj është teknik kondicioneri për montimin, riparimin dhe aspirime ambienti që ishte marrë në punë nga pronari i vilës për kondicionimin e vilës. Report Tv mëson se edhe pronari, i cili kishte me pushime, ka dhënë dëshminë e tij në polici, por nga hetimet e deritanishme ai nuk rezulton të ketë lidhje me ngjarjen dhe se e gjitha është një konflikt mes punëtorit dhe autorit të shpallur në kërkim.

Vila ku u qëllua punëtori

Indrit Çelaj

E.L./r.k./Shqiptarja.com
Komento

Komente

  • Alb: 23/08/2019 14:06

    Po kondicioneri pikon akoma. Vallaj o merrni masa ose populli te mobilizohet vet te ngre struktura te fahehta te ekzekutoj keta tipat dhe familjet e tyre se meritojn faljen dhe meshiren ky lloj gjaku.

    Përgjigju
  • Shqiptar i vertete nuk vret Mikun ne Shtepin e vet !: 23/08/2019 11:26

    Nuk eshte Tradita e Shqiptarit kjo ,(vetem Turqit e kan zakon te vrasin mikun pasi e kan ftuar ne shtepi ) te vrasesh mikun ne shtepin tende !!!!!!!!!!!!!!! Kta bastarde duhet te behen shembull ne ate vend . Perzjerja e rracave shqiptare vitet e fundit ,po rrezikon seriozishte gjithcka Shqiptare . Shteti Shqiptare duhet te cohet nga gjumi e hap syte ,nqs kerkon moszhdukjen e kombit Shqiptare

    Përgjigju
  • Ramziu: 23/08/2019 10:39

    Perse nuk shkon Ramziu me ja prishur shtesen e pallatit atyre tani

    Përgjigju
  • Arberi: 23/08/2019 00:08

    Ku eshte vila ketu se mua me duket si shtese pallati? Megjithate ligji i armembajtjes pa leje dhe vrasjes si me paramendim dhe per motive te tjera nuk po funksionon. Te gjitha vrasjet duhet te kalojne tek krimet e renda ku minimalja te jete 35 vite denim. Po ashtu edhe armembajtja pa leje te shkoje minimumi 15 vite. Ndryshe cmenduria kolektive marre permasa akoma me dramatike. Ne shqiperi mund te shkangesh ne 99% te rasteve duke kerkuar faje qofte dhe formalisht, por shqiptaret kane shpirtin e rebelimit dhe si rezultat kemi viktima te pafajshme. Mbajne arme dhe vrasin sepse e dine qe drejtesia nuk funksionon. Ky koncept eshte bere gjenetik tashme.

    Përgjigju
    • komiti: 23/08/2019 09:57

      nuk i heq asnje presje komentit tend.

  • Prifti i Vlores: 22/08/2019 21:14

    Duhet urgjentisht te shikohet shendeti mendor i shoqerise se nuk qenka puna mire. Tani me aplikimin per pasaportat e reja dhe kartave të identitetit perpos këtyre duhej të kishte dhe nje vizite mjekesore të detyruar tek psiqatri per cdo person, ishte rast i mirë qe të gjithë banorët e republikes te kontrolloheshin.

    Përgjigju
  • YYY: 22/08/2019 19:59

    Jo i dashur Trnakop Kacija ti nuk je naiv. Megjithese nuk dime shkaqet e motivet e sakta te ngjarjes, eshte e sigurte qe na ka kapluar cmenduria kolektive. Do zoti shpeton djali dhe mbyllet me kaq.

    Përgjigju
  • Trnakop Kacija: 22/08/2019 18:58

    Une nuk arrij te kuptoj si mundet dikush qe eshte duke montuar nja aircondicioner ( pra nje punetore ne punen e vet) te arrij ne ate moment kur ka nje grindje casti dhe perfundon me plumb ne koke?!. Sinqerisht nuk arrij te kuptoj ( si duket jam naiv tejmase).

    Përgjigju