FUSHE-KRUJE - Në orët e para të ditës ka ndodhur një shpërthim me eksploziv në rrugën e Krujës pranë kryqëzimit që të çon në rrugën e burgut. Lënda eksplozive i është vënë një dyqani ushqimoresh pronari i të cilës është shtetasi Shkëlqim Kulla. Nga shpërthimi nuk ka pasur viktima apo të lënduar por vetëm dëme materiale. Forcat e policisë kanë shkuar menjëherë në vendngjarje për të bërë hetimet përkatëse. Ky është shpërthimi i tretë brenda pak ditëve por mësohet se nuk është i lidhur me asnjë nga shpërthimet e para. (b.m./shqiptarja.com)