Tjetërsuan pronat në Lezhë, Policia ndalon 3 persona që Apeli i GJKKO u rëndoi dënimin me burg (Emrat)

Që prej mbrëmjes së kaluar, policia ka nisur një operacion në qytetin e Lezhës. Burime bëjnë me dije se po ekzekutohen vendimet e apelit të GJKKO për personat e dënuar për tjetërsimin e pronave në Shëngjin. Deri tani janë ndaluar të paktën tre persona, të cilët janë identifikuar si Vlash Gaxulli, Kol Lleshi dhe Genc Zeneli.

Vlash Gaxulli ishte 2 vite burg me kusht, por por me vendimin e Apelit, do të vuajë 2 vjet e 8 muaj burgim. Genc Zeneli ishte dënuar me 2 vite burg, me kusht, por do të vuajë 2 (dy) vjet e 4 (katër) muaj burgim, ndërsa Kol Lleshi që ishte 2 vite burg, me kusht, dënohet me 2 vjet e 4  muaj burgim.Të tre do të kryejnë dënimin në një burg të sigurisë së zakonshme.

Report TV ka raportuar më parë goditjen më të madhe që ka kryer SPAK duke konfiskuar një pasuri me vlerë 55 milionë euro, për grupin i cili tjetërsoi pronat në bregdetin e Shëngjinit, një ndër shumat më të mëdha që i ka kaluar shtetit.

Bëhet fjalë për rreth 300 mijë metra katror, në 75 pasuri të ndryshme. Vendimi i marrë nga Gjykata kundër Korrupsionit dhe Krimit të Organizuar u ndryshua nga Apeli ndërkohë që janë rritur dënimet me burg për të gjithë fajtorët. Apeli shtoi me 18 vite burg dënimet në tërësi, nga 30 vite në 48 vite. Mes te dënuarve me burg është edhe Xhevi Ndoka dhe Mimoza Ndoka, të cilët janë përkatësisht vëllai dhe motra e ish deputetit të Partisë Socialiste në Lezhë, Arben Ndoka.Prokurorët Vladimir Mara dhe Dritan Prenci që ndoqën çështjen kërkuan në apel konfiskimin dhe rritjen e dënimeve. 

Në përditësim...

A.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Goli: 27/04/2022 18:59

    Hajt mos u merzitni. Ua jep prape Rama si investitore strategjik qe ju ka ju fare e fisin e Ndokeve ne Lezhe. Kot dhe u lodhet sa u dolen dhe letrat dhe mbetet gjyqeve. Nuk e shikoni si zhvasin shoket? Tak firmen vllai dhe mijra m2 per 30 vjet. Pa leke fare!

    Përgjigju
  • Sondazhi i ditës:

    Reforma territoriale, mendoni se ndarja aktuale në 61 bashki është në rregull?



×

Lajmi i fundit

Ministrja tha se mbi 500 kompani janë hetuar për evazion fiskal, Kryemadhi: Qeveria ia la topin drejtësisë për të justifikuar hajdutërinë

Ministrja tha se mbi 500 kompani janë hetuar për evazion fiskal, Kryemadhi: Qeveria ia la topin drejtësisë për të justifikuar hajdutërinë