Kryeministri i vendit Edi Rama ka shpërndarë sot certefikatat e pronësisë mbi tokën bujqësore ku ka thënë se këto certifikata janë falas dhe se prona është rruga e vetme e cila mundëson zhvillimin e mëtejshëm të sektorit të bujqësisë për 1 800 familje që përfitojnë nga ky proces.

Kështu ka deklaruar nga Bradasheshi teksa ka dhënë certifikata pronësie mbi tokat bujqësore për fermerët e kësaj zone.

Rama ka thënë se, kjo nuk mjafton, pasi qeveria tashmë do i ndihmojë fermerët me kredi me interes të ulët me qëllim që të ndihmohen në rast se duan të investojnë.

Sakaq, ai shtoi se tashmë certifikata e pronësisë merret falas, duke përfshirë edhe heqjen e burokracive, mjafton që qytetarët të shkojnë në bashki.
 
“Tashmë ka kreditim për fermerët që duan të investojnë. Janë 300 milion euro që në 3 vite janë në dispozicion të financimit përmes kreditimit të prodhimit. Shumë kanale vaditëse  po vihen në funksion në të gjithë vendin. Për feremrët kemi vendosur që tiu mbështesim me kredi me interesa të ulëta. Sot, edhe për certefikatën e pronësisë për tokën shërbimi është falas. Qytetarët u bllokuan nga burokraci të qëllimshme. Tokat bujqësore, hyjnë në funksion. Certifikata për tokën, shërbimi është falas. Tashmë nuk do jeni ju që do të bëni topografin, asnjë letër këtu e një letër atje, por është bashkia që nga ju do ketë nevojë vetëm për dy dokumenta, aktin e marrjes në zotërim të përkohshëm të pronës, tokës dhe kërkesën. Një kërkesë dhe atë copën e letrës që ju e keni atë sipërfaqen e tokës që nga viti 1991” tha ai.

Rama ka shtuar se, për të gjithë fermerët do të jepet konsulencë falas, zyra të cilat do të hapen deri në fund të Qershorit ndërkohë që synohet rritja e sipërfaqes së tokës për bukën si dhe do të ketë një fond garancie për fermerët.

“Në fund të qershorit do hapim 5 zyra për konsulencë për fermerët. Aksion për rritjen e sipërfaqes së tokës së bukën. Brenda një viti realizohet ëndrra e mbi 25 viteve. Këtë vit fond garancie për fermerët. Të gjithë fermerët të bëjnë kërkesë në bashki për tu bërë pronar” tha Rama.

Batutat e Ramës me qytetarët dhe bindjet e tyre partiake
Kryeministri në takimin e sotëm, nuk la mënjanë edhe batutat ku ka rënë në sy ndarja e qytetarëve sipas partive politike.

Teksa ka dhënë certifikata për disa prej atyre, ai ka thënë se për demokratët, certifikata duhet të jepet nga kryebashkiaku Qazim Sejdini, për socialistët, Taulant Balla dhe për LSI-stët duhet ti japë Ilirjan Muho.

Ja batuat me qytetarët:
Rama: Obobobobo, ju demokratëve do i’ua japë Qazimi certifikatat. Hajde Qazim zgjidhe këtë punë se je i Partisë Demokratike
Rama qytetarit: Kthehu nga ekrani të të shohin ata të partisë
Rama: Pse s’ta dhanë përpara certefikatën?
Qytetari: Nuk e di
Rama: Kur jeni vetë në pushtet thoni, të jetë mirë ai, se ne bëjmë si bëjmë. Në komision numëroi mirë ato votat, prapë do humbni por numëroi mirë ato tuajat.
Rama: Hajde se më duket qenke me LSI-në ti? Nga kush e do certefikatën, kështu e keni ju, me të gjithë e keni mirë? Hadje Ilirjan jepja sepse je me LSI.

 

Redaksia Online
(F.T/shqiptarja.com)