POP 5

Lajmet më të lexuara të 5 minutave të fundit

Politikë

PSD e Tom Doshit bashkon votat me opozitën, rrëzohet kalimi i buxhetit për Malësinë e Madhe! Mbledhja shoqërohet me debate

Social demokratët e Tom Doshit kanë bashkuar votat me opozitën, PD zyrtare dhe Rithemelimin duke bërë që këshilli bashkiak i bashkisë Malësi e Madhe të mos e miratojë buxhetin e vitit 2024 pasi nga 27 këshilltarë të pranishëm, 14 vota ishin pro dhe 13 kundër. Ndërkohë që 4 këshilltarë nuk morën pjesë në mbledhje

Këshilli bashkiak i bashkisë Malësi e Madhe nuk e ka miratuar buxhetin e vitit 2024.

Social demokratët e Tom Doshit kanë bashkuar votat me PD zyrtare dhe Rithemelimin, duke e rrëzuar kalimin e buxhetit në mbledhjen e zhvilluar mesditen e së hënës, ku ishin të pranishëm 27 këshilltarë.

Prej tyre 14 votuan pro miratimit të buxhetit kurse 13 ishin kundër, ndërkohë që 4 këshilltarë nuk ishin të pranishëm në mbledhjen me të rëndësishme.

Me shumicë votash nuk u miratua edhe dhënia me qira e një siperfaqeje pyjore në zonën e Kozhnjës në Kelmend. Mbledhja u shoqërua me debate ndërsa i pranishëm ishte edhe kryetari i bashkisë Tonin Marinaj.

Prej muajsh, që pas zgjedhjeve vendore, PSD i ka pasur të shpeshta kritikat ndaj bashkisë së Malësisë së Madhe dhe kryebashkiakut Marinaj. Vota e sotme forcoi qëndrimin e mbajtur nga kjo forcë politike që në zgjedhje ishte krah PS ndërkohë që nuk dihet nëse kjo është një lëvizje politike e PSD në të gjitha bashkitë ku ka këshilltarë apo vetëm në Malësine e Madhe. Kujtojmë se në fund të muajit dhjetor, anëtarët e PSD në këshllin bashkiak të Shkodrës bashkuan votat me socialistët duke miratuar buxhetin.

B.K/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Konventa e PL-së, zbardhet agjenda, ndryshimet në statut dhe vota për Presidentin dhe zv.presidentin

Konventa e PL-së, zbardhet agjenda, ndryshimet në statut dhe vota për Presidentin dhe zv.presidentin

27 Prill, 08:55