POP 5

Lajmet më të lexuara të 5 minutave të fundit

Sociale

Tommy Hilfiger zgjedh
"Stilistin e së nesërmes”

Këtë vit në konkursin e përzgjedhjes së “Stilistit të së nesërmes” ishte Italiani Matteo Lamandini i përzgjedhuri nga stilisti i famshëm Amerikan Tommy Hilfiger si përcjellësi i modeleve më të spikatura të veshjeve.
Këtë vit në konkursin e përzgjedhjes së “Stilistit të së nesërmes” ishte Italiani Matteo Lamandini i përzgjedhuri nga stilisti i famshëm Amerikan Tommy Hilfiger si përcjellësi i modeleve më të spikatura të veshjeve.

Lamandini u përzgjodh mes 5 konkurruesve të rinj dhe veçantia në koleksionin e tij ishte risjellja e kostumeve të inspiruara nga moda e viteve 1940 me kostumet me shpatulla të gjëra, të cilat ai i shfaqi me një ripunim të kujdesshëm dhe modern. Ajo që e ktheu jurinë në favor të stilistit të ri sipas Hilfiger ishte se ai u mirëprit në mënyrë shumë pozitive nga i gjithë publiku; për më tepër ishte tepër e dukshme risia që ai solli në konkursin e këtij viti.

Në këtë konkurs morën pjesë stilistja Irlandeze Lola Roche me koleksionin e saj të korseve të inspiruara për veshjet femërore, stilistja Bullgare Sylvia Roustcheva me miksimin e veçantë të satenit, mëndafshit dhe copës së leshtë, Koreano Jugorja Young Kyun Shin me miksimin e lëkurës dhe metalit dhe Zvicerjanja Julia Winkler me veshjet e saj elegante.

”Stilisti i së ardhmes” është një projekt që zhvillohet prej pesë vitesh në Javën e Modës në Berlin për të nxjerrë në pah talentet e reja të botës së modës dhe vitet e mëparshme është drejtuar nga stilistë me famë botërore si Marc Jacobs dhe Stella McCartney. Fituesi i kësaj gare merr sponsorizim dhe ndihmë profesionale nga emra të njohur të stilimit për të krijuar koleksionin e tij të parë, me bashkëpunim dhe inspirim të tërthortë.

Fituesi i konkursit Lamandini u shpreh se për të ishte një eksperiencë shumë e veçantë dhe se fitimi i këtij çmimi ishte shumë domethënës për të, megjithëse rrëfen se do kishte qenë njësoj i lumtur për fitoren e kujtdo nga pjesmarrësit pasi të gjithë kishin punuar shumë për të marrë pjesë në këtë event kushtuar të rinjve më të talentuar nga vende të ndryshme të botës.

Redaksia Online
(Suada B. / Shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

HiStory/ Çamëria e rrëfyer nga historianët grekë, si ka ndryshuar narrativa dhe fajësimi i shtetit të tyre

HiStory/ Çamëria e rrëfyer nga historianët grekë, si ka ndryshuar narrativa dhe fajësimi i shtetit të tyre

14 Mars, 22:55 nga Ferdinand Dervishi