Gjesti i Kroos krijoi shumë të qeshura te gazetarët dhe kameramanët që ishin të pranishëm në sallë aq sa duhej ndërhyrja e Emilio Butraguenos për ti treguar 26-vjecarit se nga ishte dera e daljes. Pas zyrtarizimit të kontratës së re Kroos shprehu ndjesitë e tij që do të jetë pjesë e Realit të Madridit deri në vitin 2022 në një konferencë për shtyp të organizuar në ambientet e klubit. Fillimisht fjalën e mori shefi i marrëdhënieve institucionale Emilio Butragueno i cili vlerësoi lojtarin për kontributin që ka dhënë gjatë kësaj periudhe te Los Blancos duke theksuar se Kroos është një futbollist i jashtëzakonshëm.
Sipas Butraguenos 26-vjecari është një lojtar shumë i rëndësishëm për klubin merengues dhe te Reali janë të lumtur që do të kenë shërbimet e tij edhe në të ardhmen.
Vetë Kroos ndërkohë theksoi se dëshiron ta përfundojë karrierën te Reali i Madridit. “Idea ime është të jem gjithmonë te ky klub mendoj se mund të luaj futboll deri në moshën 36-vjecare. Nuk kam menduar për asgjë tjetër gjatë kësaj periudhe vecse të rinovoja me Realin e Madridit. Ëndrra ime. Dua të fitoj La Ligan. Kjo është si një sfidë për mua. Kemi fituar Championsin por tani dua të fitoj edhe kampionatin”, deklaroi Toni Kroos. Mesfushori i përfaqësues së pancareve do të jetë 32 vjec në vitin 2022 kur do të skadojë edhe kontrata e re që ai ka firmosur me Los Blancos.
Redaksia Online
l.q/Shqiptarja.com