Tony Blair: Media britanike e hidhur, ndërsa Murdoch?

Seanca e hetimit Leveson, që ka nisur menjëherë pas skandalit të përgjimeve me News of the World, ka vazhduar sot me dëshminë e ish kryeministri britanik Tony Blair.
Ish kryeministri britanik ka folur për situatën e mediave në Britani ,eksperiencën e tij me median gjatë viteve të pushtetit dhe përshkruan Rupert Murdoch si një njeri që meritokratik dhe kundër establishmentit në disa raste. “Nuk jam ndier nën presion gjatë kohës kur isha në krye të qeverisë nga interesa komercial të medias së Murdoch dhe të çdokujt tjetër.
Blair pretendon se qeveria e tij ka nxjerr më shumë vendime kunder sesa në favor të interesave të Murdoch. Ish kryeministri ka shprehur edhe një herë mllef ndaj Daily Mail.” Ata më kanë sulmuar mua, familjen dhe fëmijët e mi. Dinë ta bëjnë shumë mirë dhe me efekt.
Blair është pyetur edhe për the Sun dhe ai ka thënë se thë Sun dhe the Daily Mail janë dy nga gazetat më të pushtetshme dhe me influencë.
The Times përshkruhet nga Blair si substancialisht euroskeptike por që raporton me ndershmëri për europën.
Blair adreson fjalët më të mira për BBC duke nënvizuar se mbetet media më e mirë në botë.
Ndërsa duke folur në përgjithësi për median britanike ish kryeministri nënvizon se nuk është problemi sesa afër është media me politikën , sa partiake është ajo por sesi bëhet gazetari dhe si ruhen ekuilibrat. Ai përshkruan gazetarin britanik si të prirur ndaj influencës dhe jo ndaj raportimin të ngjarjes. Gazetarë të cilët shpesh herë shfaqen agresiv, me vetbesim të tepruar, ngacmues dhe me një damar të hidhur dhe ironik. Media britanike shpesh tregohet më shumë sportive sesa duhet mes kufijve të zyrtarë dhe atyre privatë.

(m.k/shqiptarja.com)