Top Channel, sot mbush 10 vjec
televizioni që themeloi Tani

Epoka e dixhitalizimit dhe e vërshimit të “New Media” dhe e personalizimit në përzgjedhjen e informacionit, për shqiptarët erdhi pak me vonesë dhe e importuar shabllon nga perëndimi. Ndryshimi erdhi nga një person i vetëm, "Tani i Topit", i cili në rrethana dhe në vende të tjera të botës do të quhej një vizionar.

Si sot 10 vjet më parë “vizionari” i Shqipërisë krijoi televizionin e parë shqiptar me të vërtete bashkëkohor dhe i aftë të ndjekë ndryshimet e stuhishme të dhënies së informacionit në epokën digjitale, në të cilën jetojmë. Sot Top Channel mbush 10 vjec dhe në një mbrëmje gala në Teatrin e Operës dhe Baletit, të gjithë do të festojnë për ëndrrën që Dritan Hoxha nisi 10 vjet më parë. Drejtues, protagonistë në vite, personalitete, të ftuar, do të jenë pjesë e të njëjtit gëzim.

Ajo cfarë Tani i Topit synonte ishte krijimi i një media në stampën e atyre perëndimore, të afta ta përfshin shikuesin në një bashkëpunim reciprok. Dikush i ka quajtur mediat e reja (New Media), “demokratizimi” i informacionit, i krijimit, publikimit, shpërndarjes dhe konsumit të përmbajtjes mediatike. Fitorja e “New Media” qëndron pikërisht në mënyrën se si ajo e konsideron shikuesin, jo më një subjekt pasivë, të cilit i jepet informacioni në mënyrë të forcuar, por një subjekt që merr pjesë aktive në të, duke dhënë sugjerime dhe duke e përzgjedhur informacionin. Pra ajo cka Tani dëshironte të arrinte ishte pikërisht bashkëpjesëmarrja me shikuesin e thjeshtë.

Festa e 10 vjetori ka nisur pas fjalës përshëndetëse të drejtorit të përgjithshëm, Enkeled Joti.

Në festë janë dalluar shumë të ftuar të spektaklit por jo vetëm, aty janë mbledhur edhe figura të ndryshme të politikës shqiptare si, Presindeti i Republikës, Bamir Topi, Edi Rama, Fatos Nano, ish Presidenti Moisiu, Rexhep Mejdani.

Në festë kanë qenë të pranishëm edhe ambasadori i SHBA, OSBE-së, BE-së, Gjermanisë dhe Britanisë së Madhe.

TAG:
• OSBE