POP 5

Lajmet më të lexuara të 5 minutave të fundit

Arkiva

Topi: Detyrim e domosdoshmëri
plotësimi i KQZ-së, takon Batellin

Pas përfundimit të takimit me kreun e Asamblesë Parlamentare të OSBE-së Topi tha se situata në KQZ është e papranueshme dhe me Roberto Batelli ishte diskutuar për procesin  zgjedhore. Topi: Ne nuk qahemi por ekspozojmë situatën.
TIRANE - Kreu i FRD njëherësh ish-President i vendit, Bamir Topi ka shpalosur para përfaqësuesve të misonit të vëzhguesve të OSBE tërë shqetësimin e tij për situatën e vështirë në të cilin gjendet vendi në prag të zgjedhjeve.

Mëngjesin e sotëm Topi zhvilloi një takim me përfaqësuesit e misionit të vëzhguesve të OSBE për zgjedhjet, të kryesuar nga kordinatori special i OSBE Roberto Batelli.

Biseda kishte në fokus gjithë procesin që lidhet me zgjedhjet e situatën në KQZ. Pas takimit Topi në një deklaratë për mediat theksoi qëndrimin shumë kritik të FRD lidhur me klimën parazgjedhore si dhe situatën anormale ne KQZ, qëndrime të cilat i ndau edhe me përfaqësuesit e OSBE. Ai akuzoi drejtpërdrejt kryeministrin e kryetarin e opozitës që sipas tij po shkelin me të dyja këmbët ligjin zgjedhor duke filluar nga shpenzimet marramendëse e deri tek uzurpimi i hapsirave mediatike në favor të tyre.

Përsa i përket krizës në KQZ Topi tha se “nuk besoj që në këto 22 vite të ketë pasur një situatë kaq të zymtë me KQZ”. Duke akuzuar partitë politike që kanë ndërtuar kodin zgjedhor, kryetari i FRD tha mënyra se si është ndërtuar kontigjenti i partive në koalicione do të sjellë parlamentin më të dobët në këto 22 vite. Ne nuk qahemi, ne vetëm ekspozojmë situatën ashtu siç është. KQZ, u shpreh Topi, është totalisht më e keqe se ajo kur presidenti e KLD kishin në këtë institucion përfaqësuesit e tyre. KQZ, përfundoi Topi deklaratën për shtyp, duhet të plotësohet në të kundërt nuk mund të ketë asnjë shpresë se gjërat do përmirësohen.

“KQZ është themeli i aktivitetit që lidhet me zgjedhjet, nëqoftëse shembet themeli, ndërtesa rrëzohet”, tha Topi. Roberto Batelli, koordinatori special i OSBE-së udhëheq misionin afatshkurtër të vëzhgimit të zgjedhjeve në Shqipëri.

Redaksia online
(sg/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03