Ndërsa ethet e kampionatit  kanë mbërthyer gjithë globin, pak e dinë se ai ka startuar në hapësirë.

A nisi ky botëror në hapësirë? Sigurisht që po.

E gjitha kjo ndodhi falë 3 kozmonautëve rusë, që për ti paraprirë  ngjarjes së madhe futbollistike që do të luhej në vendin e tyre, vendosën të inaugurojnë Kupën e Botës 2018 në orbitë. Ata luajtën në stacionin hapësinor me  “Teslar 18”,  topi  zyrtar i Kupës së Botës, i njëjtë me atë që do të luhen të gjitha ndeshjet e botërorit. Topi i Kupës së Botës u soll në hapësire në 24 mars me anijen kozmike Sajuz MS 08.  Ai u kthye sërish në  Tokë së bashku me ekuipazhin, në 3 qershor me një tjetër anije, Sajuz MS 08.

Por pavarësisht se vjen prej kozmosit, disa portjerë janë ankuar për topin e Kampionatit  Botëror. Trajektore të pamundura për t’u deshifruar, i vështirë për t’u bllokuar për shkak të shtresës plastike me të cilën vishet, i aftë të përfundojë në rrjetë kur gjuhet nga distancë e largët. Ata që kanë shfaqur pakënaqesitë e tyre nuk janë nga  portjerë  fillestarë apo dosido. Për legjendën Bufon dhe Pepe Reina ( 4 herë pjesëmarrës ne botëror)  ky është një top plazhi.

Për Adidas, “Teslar 18” shënon një ndryshim të rëndësishëm në krahasim me të tjerët e së kaluarës. Për markën gjermane, emri ishte frymëzim prej gjuhës dhe traditës ruse, kurse modeli i topit prej atyre të përdorur në vitet 60-70.

Në nivel estetik, topi është kryesisht i bardhë, me një gradient  gri dhe kushton nga 35 e deri në 150 dollarë.