POP 5

Lajmet më të lexuara të 5 minutave të fundit

Arkiva

Topi në Fier: “Ngërçi” në KQZ
rrezikon zgjedhjet e lira

FRD ka prezantuar sot kandidatët për deputetë për zgjedhjet e 23 qershorit për Qarkun e Fierit. Në fjalën e tij, kreu i kësaj force politike, shprehu shqetësimin për mbarëvajtjen e zgjedhjeve të lira më 23 qershor, për shkak të “ngërçit” të krijuar në KQZ.
FIER- Partia Fryma e Re Demokratike ka prezantuar sot kandidatët për deputetë për zgjedhjet e 23 qershorit për Qarkun e Fierit. Në fjalën e tij, kreu i kësaj force politike, Bamir Topi, shprehu shqetësimin për mbarëvajtjen e zgjedhjeve të lira më 23 qershor, për shkak të “ngërçit” të krijuar në KQZ.

Topi bëri apel për rikompozim sa më të shpejtë të Komisionit Qendror të Zgjedhjeve. Kreu i FRD, akuzoi krerët e dy partive më të madha në vend PD dhe PS, duke i akuzuar se e “kanë kthyer vendin në Pazar”.

“Institucioni kryesor ai i certifikimit të zgjedhjeve është totalisht në krizë. Është në krizë, pasi në krizë është politika përfaqësuese e qeverisë dhe e opozitës kryesore. Unë me cilësinë e kryetarit të FRD, por edhe me cilësinë e ish-presidentit të Republikës, kam rastin të shpreh edhe njëherë nevojën për rikompozimin urgjent të KQZ, duke e parë këtë hallkë si kryesore të procesit. Dhe akuzoj drejtpërdrejt Kryeministrin e Shqipërisë dhe kryetarin e opozitës, të cilët e kanë kthyer procesin zgjedhor në një maskaradë politike në funksion të karriges së tyre. Njëri kërkon që të mos zbresë nga karrigia, e tjetri shikon ëndrra për t’u kthyer në të”, tha Topi.

Redaksia Online
(e.s/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03