Receta

Tortë cheesecake për Shën Valentin nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 14 Shkurt 2023, 11:46 | Përditesimi: 14 Shkurt 2023, 11:47

Tortë cheesecake për Shën Valentin

Përbërësit:

220 gr biskota të thata
80 gr gjalpë
1 majë luge kripë
250 gr krem djathi
250 gr kos me luleshtrydhe
120 gr sheqer
300 ml pana e freskët
20 gr xhelatinë
Reçel për shije dhe dekor

Përgatitja:

LEXO EDHE:
Pulë me oriz në furrë nga zonja Albana

Fillimisht thërrmojmë biskotat. Shkrijmë gjalpin dhe e përziejmë me biskotat me pak kripë. Masën e biskotave dhe gjalpit e vendosim në një tavë me formë me letër furre dhe e lemë të pushojë për 1 orë në frigorifer. Ndërkohë në një enë hedhim kremin e djathit, shtojmë sheqerin dhe kosin e frutave, punojmë gjithçka për të marrë një masë homogjene. Paralelisht në një tenxhere ngrohim gjysmën e panës, shkrijmë brenda xhelatinën e zbutur më parë në ujë dhe e lëmë të ftohet.

Panën e mbetur e shtojmë tek kremi i djathit i punuar me sheqerin dhe kosin. Shtojmë më pas xhelatinën e ftohur, e trazojmë mirë të gjithë masën të cilën e shtrojmë në tavë mbi bazën e biskotës. E nivelojmë mirë dhe e vendosim sërish në frigorifer. Në fund e dekorojmë tortën me reçel (të cilin e vendosim në një qese pastiçerie) dhe me fruta të kuqe sipas dëshirës.

MC/Shqiptarja.com

TAG: