Receta

Tortë festive në pak minuta nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 21 Dhjetor 2022, 11:12 | Përditesimi: 21 Dhjetor 2022, 11:13

Tortë e kuqe

Përbërësit:

LEXO EDHE:
Pulë me oriz në furrë nga zonja Albana

2 e ½ fç miell
1 lgj kakao
1 lç sodë
1 lç kripë
1 lgj uthull
1 fç dhallë
1 e ½ fç vaj
1 lk ngjyrues
2 vezë

Për kremin:

125 krem djathi
125 gr gjalpë
1 bustinë vanilje
3 fç sheqer pluhur
125 gr pana ëmbëlsire

Përgatitja:

Në një tas rrahim vezët, shtojmë vajin, dhallën dhe uthullën. Më pas shtojmë pak kripë, sodën e bukës, kakaon dhe miellin duke e situr, në fund shtojmë ngjyruesin. E trazojmë mirë brumin e ëmbëlsirës dhe e vendosim në një tavë rrumbullake. Lemë pak brumë mënjëanë të cilin e vendosim në një tavë të vogël. Ky brumë do të na nevojitet për ta grimcuar dhe për të bërë dekorimin e tortës. E vendosim bazën e tortës të piqet në furrë të parangrohur.

Ndërkohë përgatisim kremin duke rrahur fillimisht panën e ëmbëlsirës derisa të bëhet e fortë. Më pas rrahim me tel elektrik në një tas tjetër kremin e djathit së bashku me gjalpin, sheqerin pluhur dhe vaniljen. I bashkojmë të dy masat bashkë dhe me kremin bëjmë dekorimin e tortës sipas dëshirës. Në fund bëjmë një spërkatje të lehtë me pjesë nga brumi i thërrmuar si dhe me kokrra shege.

MC/Shqiptarja.com

TAG: