Receta

Tortelini në krem djathi me qepë krokante nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09 : 00 – 10 : 00.

Redaksia 14 Dhjetor 2022, 10:20 | Përditesimi: 14 Dhjetor 2022, 10:21

Tortelini në krem djathi me qepë krokante

Përbërësit:

1 pako tortelini
150 gr pana
120 gr djathë parmixhano
Qepë
Spec pluhur
Rigon / borzilok
Kripë

Përgatitja:

LEXO EDHE:
Pulë me oriz në furrë nga zonja Albana

Fillimisht presim një qepë në rrathë të hollë dhe e vendosim në furrë në temperaturën 70 gradë dhe e lemë derisa qepa të përthithë të gjitha lëngjet, të thahet dhe të bëhet krokante.

Ndërkohë vendosim në ujë të vluar tortelinit për 3 minuta. Paralelisht vendosim në një tigan dhe panën e kuzhinës. Sapo pana të ngrohet dhe të fillojë të pluskojë shtojmë djathin e grirë parmixhano. E trazojmë duke rregulluar shijen me pak kripë dhe piper. Bëjmë servirjen e pjatës të ngrohtë duke vendosur fillimisht bazën e kremit të parmixhanos, më pas tortelinit dhe qepët krokante. E spërkasim në fund me spec të kuq pluhur dhe rigon të freskët.

MC/Shqiptarja.com

TAG: