POP 5

Lajmet më të lexuara të 5 minutave të fundit

Arkiva

Totozani: I pavlefshëm vendimi i
KQZ për kasetat nga partitë politike

Pas kërkesës së Unionit të Gazetarëve drejtuar Avokatit të Popullit për anulimin e vendimit të KQZ në lidhje me kasetat politike, ky i fundit ka rekomanduar shpalljen e pavlefshëm të këtij vendimi.
Totozani: I pavlefshëm vendimi i<br />KQZ për kasetat nga partitë politike
TIRANE- Institucioni i Avokatit të Popullit e quan të pavlefshëm vendimin e Komisionit Qendror te Zgjedhjeve për transmetimin në media të aktiviteteve elektorale me kasetat e montuara nga partitë politike, duke kërkuar kështu anulimin e tij.

Sipas një rekomandimi drejtuar organit të administrimit të zgjedhjeve, Igli Totozani thekson faktin se “sipas nenit 24 pika b, të Ligjit “Për Avokatin e Popullit” mosshqyrtimi i propozimit brenda 30 ditëve, sjell si pasojë pezullimin e fuqisë së akteve nënligjore që shkaktojnë shkelje të të drejtave dhe lirive, çka do të thotë se nëse këto rekomandime nuk merren parasysh, vendimi i këtij komisioni cënon të drejtat e njeriut”.

Qëndrimi i Avokatit të Popullit vjen si përgjigje ndaj kërkesës së Unionit të Gazetarëve, ku disa ditë më parë shprehën shqetësimin për vendimin e KQZ-së, duke i kërkuar Totozanit të ndërhyjë për anulimin e këtij vendimi, me pretendimin se cënon lirinë dhe të drejtën e raportimit nga terreni.

Përgjatë gjithë javës që lamë pas, ky union ka theksuar se kasetat nga partitë politike dëmtojnë transparencën që duhet të kenë mediat në pasqyrimin e fushatës elektorale.

Redaksia Online
(e.s/shqiptarja.com)

  • Sondazhi i ditës:

    Pronat shtetërore mund të shkëmbehen me private, si e vlerësoni ligjin?

Lajme të tjera



×

Lajmi i fundit

Operacioni i SPAK/ U arrestua në Itali, kush është Arian Tuku, tentoi të vrasë Aleks Ndrekën e siguroi kushte për vrasjen e Durim Bamit

Operacioni i SPAK/ U arrestua në Itali, kush është Arian Tuku, tentoi të vrasë Aleks Ndrekën e siguroi kushte për vrasjen e Durim Bamit

17 Maj, 20:42