POP 5

Lajmet më të lexuara të 5 minutave të fundit

Kultura

Drejt Punës

‘Tradita në gur', Tirana e vjetër në mozaikët e Gajtanit

19 punime në mozaik të Erieta Gajtanit sjellin atmosferën e Tiranës së vjetër e të tjera punime “Te’ Galeria” në Tiranë. Artistja rrëfen “Traditën në gur”, edhe si bijë tiranase, që mbart shqetësimin për ruajtjen e trashëgimis

Etnografia me valle e kostume, arkitektura, ajo e Tiranës së vjetër, skalitet me gur bregdetar nga artistja Erieta Gajtani. “Tradita në gur” vesh kështu përmes 19 punimesh në mozaik, muret e qoshkut ekspozues të Tirana Ekspres “Te’Galeria”.

“Kam trajtuar gruan tiranase, kostumin popullor të saj... Diku në një valle karakteristike “Napoelonin”. Tek “Goca e Tironës në oborr’ frymëzimin e kam marrë nga shtëpia ku jemi rritur, që u shemb nga regjimi. Dhe si bijë tiranase, ia kisha borxh vendlindjes sime”, shprehet artistja Erieta Gajtani.

Në disa nga veprat e saj, Tirana tek artistja, vjen krahas nuancave të nostalgjisë, me nota melankolie, për peizazhin arkitekturor të tjetërsuar, ku e kaluara herë nuk është e pranishme, e herë të tjera qëndron në hije.

“E kam përcaktuar në një mozaik atë Tiranën që kam lindur, kam jetuar dhe Tiranën që po bëhet sot. Unë e kam thënë që nuk jam kundër ndryshimit, kundër modernizmit, por krahas modernizimit duhen ruajtur edhe objektet e vjetra” shprehet më tej.

I plotësuar me të tjerë elementë, çdo gur është mbledhur prej vetë artistes, në brigjet detare të Shqipërisë, por edhe në rajon. Gjithmonë në kërkim të ngjyrave, formës, materialit. Disa i përshtat, ndërsa gurëzat i kthen në art duke ruajtur formën e tyre natyrale.

Në 6 vitet e fundit i është përkushtuar tërësisht mozaikut, e prej ekspozitës së parë me figurat biblike, “Traditë në gur” krahas flladit të tabanit, sjell edhe të tjera punime të artistes, si  të ashtuquajturën “Xhokondë të Vermeer, “Vajzën me vëth perle”.

M.Q./KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50