Dënohen me 6 deri në 8 vite burg shqiptarët të cilët janë arrestuar për trafik  ndërkombëtar të drogës.

Mësohet se 6 shqiptarët e transportonin drogën përmes avionëve ‘ultraleggero’.

Ata ranë në pranga  gjatë operacionit të koduar ‘Free flight'.



Dënimet e shqiptarëve
Elizer Ahmetaj  8 vite e 4 muaj
Arshi Ahmetaj  8 vite
Xhesjan Ahmetaj 7 vite e 2 muaj
Artion Lamaj  8 vite
Bukurosh Keshilli  7 vite
Virgion Imeraj  6 vite e 10 muaj
 
Avioni ultraleggero i cili mbërriti në territorin  italian ishte matrikuluar në  Ukrainë. Më pas sipas mediave e kishin cmontuar dhe e kishin transportuar në Itali në rrugë tokësore dhe e kishin fshehur në një kampanon agrikulture në cesena. 

Avioni nuk është sinjalizuar nga pikat e kontrollit . Ky lloj avioni ishte i padiktuar nga radarët.

Sipas mediave ata transportonin nga Shqipëria drejt Italisë sasi të konsiderueshme marijuane e cila shpërndahej në tregun italian.

Banda përbëhej nga 6 shqiptarë e mësipërm të cilët u arrestuan në gusht të 2015 teksa po uleshin me avion në zonën Ostuni në Pulia.

Policia kishte kohë që kish rënë në gjurmët e trafikantëve.

Gjatë arrestimit bandës iu sekuestruan rreth 130 kg marijuanë. 

Gjatë operacionit 'Free Flight' i cili zgjati 6 muaj janë arrestuar edhe persona të tjerë pjesëtarë të klanit të shqiptarëve si dhe janë sekuestruar sasi të mëdha të marijuanës.

Gjatë operacioneve karabinierët e Brindizi kanë  bashkëpunuar edhe me autoritetet shqiptare ku edhe në Vlorë janë arrestuar 6 persona.

[gallery]23177[/gallery]

Redaksia Online
e.m/Shqiptarja.com