Trafik ilaçesh e pacientë që mashtronin sistemin shëndetësor italian, Report Tv siguron dosjen! Si korruptoheshin mjekë, drejtues spitalesh e shefa pavionesh

Trafik ilaçesh COVID, mashtrim dhe falsifikim për shërbim shëndetësor në Itali ishte aktiviteti i një grupi të mirëorganizuar kriminal është goditur nga operacioni i bërë nga Njësia Interforze, në bashkëpunim me SPAK dhe Antimafian italiane. Report Tv ka siguruar dosjen hetimore të autoriteteve italiane. Informacioni e marrë në rrugë operative se mjekë shqiptarë në Tiranë si dhe infermierë që punonin në Itali dhe që ishin me origjinë shqiptare kishin ngritur rrjetin.

Korruptoheshin drejtues spitalesh, shefa pavionesh, roje e recepsionistë në Itali. Ndër ilaçet e shtrenjta marrë falas në Itali dhe shitur në shqip rezulton, "Clexan", që është hollues gjaku përdorur masivisht përgjatë COIVID  19. Transporti masiv i lekëve dhe ilaçeve pacienteve me autobus. Në dosje thuhet gjithashtu se biznesmeni Aleksandër Gjoka kujdesej për transportin e pacientëve, lekëve dhe ilaçeve

Sipas dosjes së siguruar nga Report Tv hetimi kishte të bënte me një shoqatë kriminale, që vepronte midis provincës së Milanos dhe Shqipërisë, e aftë, nga njëra anë, t'u ofronte qytetarëve shqiptarë shërbime të shtrenjta shëndetësore të llojeve të ndryshme dhe medikamente të paguara plotësisht nga Shërbimi Shëndetësor Kombëtar Italian dhe nga ana tjetër, për të menaxhuar një treg të konsiderueshëm ndërkombëtar të barnave të marra në Itali duke mashtruar Shërbimin Shëndetësor Kombëtar, të shitura në Shqipëri.

Organizata mundi të lehtësonte edhe hyrjen e paligjshme në territorin italian të shtetasve shqiptarë. Kjo u mundësua nga një sistem kompleks, krejtësisht i paligjshëm, i krijuar për të lejuar hyrjen ilegalisht në Itali të shtetasve shqiptarë (pra jo pjesë e Bashkimit Evropian), disa prej të cilëve përfituan, pa kualifikim, kujdes të shtrenjtë mjekësor në kurriz të sistemit në vendin fqinj.  Për më tepër, ato sigurohen duke anashkaluar listat e gjata të pritjes, falë bashkëpunimit të mjekëve dhe infermierëve që shërbejnë në spitalet e provincës së Milanos. Gjatë aktivitetit u përhap një rrjet i gjerë korrupsioni i mjekëve, infermierëve etj. Në një periudhë emergjence shëndetësore, në zyrën përgjegjëse për zgjedhjen e mjekut të familjes qarkullonin ryshfet. Kamera e vendosur nga hetuesit kanë filmuar ardhjet dhe ikjet, të cilat kanë qenë me një numër mbresëlënës. Ata që korruptojnë as nuk ulen, i zgjasin menjëherë kartëmonedhat dhe zyrtarët që i fusin në  xhepa.

6 persona, përfshirë dy mjekë nga spitali Cernusco sul Naviglio (Domenico Carriero, 65 vjeç dhe Domenico Paternicò, 53) janë në burg; 3 janë në arrest shtëpie, mes të cilëve edhe zyrtari  i Asst Fatebenefratelli Davide Luigi Vergani, 57 vjeç. Të udhëhequr nga DDA e Milanos, hetuesit kanë rindërtuar një mekanizëm përmes të cilit shteti italian ishte bërë, nga njëra anë, një bankomat për të marrë, pa pasur kushtet, një operacion falas dhe vizita specialistike, madje duke anashkaluar listat e pafundme të të 'priturve', falë gatishmërisë së infermierëve (në mesin e të dyshuarve). Ekzistonte edhe mundësia që nëpërmjet farmacistëve “miqësorë” të silleshin në Shqipëri një mori medikamente, gjithmonë falas, të cilat më pas rishiteshin, si Clexane dhe Enoxaparin që përdoreshin për trajtimin e Covid-it. Nga ana tjetër, sistemi shëndetësor ishte bërë portë për emigrantët e paligjshëm që hynin për arsye mjekësore inekzistente, sipas hetimeve. “Kalimet” ishin certifikata false që shiteshin sipas rastit 200, 350, apo edhe vetëm 50 euro, ndërsa për recetat e kuqe false tarifa ishte 10 euro. Vergani, i dyshuar se ishte paguar edhe me shërbime seksuale nga një e dyshuar, në vend të kësaj do të kishte dhënë hua për të regjistruar ilegalisht 82 shqiptarë në shërbimin shëndetësor Lombard. Në total, 383 shërbime të paligjshme ambulatore dhe të paktën 1,554 vizita specialistike u llogaritën midis janarit 2020 dhe qershorit 2021.

Në mesin e të hetuarve rezultojnë 3 mjekë shqiptarë mes tyre mjeku Qendrës Spitalore Universitare ‘Nënë Tereza’ Vladimri Peto, Aurel Vula, Ilir Broqja dhe dy biznesmenët Aleksandër Gjoka dhe Ndue Pulaj. Rezulton se Aurel Vula është mjek pediatër rheumatolog, i cili punon pranë Shërbimit të Pediatrisë së Përgjithshme, ndërsa Ilir Broqaj, mjek anest-reanimator, i cili punon pranë shërbimt Anestezi – Reanimacionit.

Report Tv mësoi ekskluzivisht se SPAK ka kryer kontrolle në shtëpinë dhe zyrën e mjekut Edvin Prifti, i arrestuar më parë për korrupsion. Burime për Report Tv bëjnë me dije se kontrolli u bë pasi Prifti dyshohet si pikë kontakti me mjekët në Itali, për shkak të lidhjeve që ka me ta. Gjatë kontrollit mjekut prifti iu gjetën afro 380 mijë euro, ndërsa iu sekuestruan 1 milionë euro. Ndërsa vijojnë hetimet, mjeku ka fituar të drejtën si të mësimdhënies ashtu edhe të ushtrimit të profesionit. Priftit i janë sekuestruar 1 milionë euro.

Pjesë nga dosja, marrja e ilaceve kontraband (Furnizmimi me holluesin e gjakut , Clexane)

Rendit zhvillimet sipas orarit:

Të Fundit Të Parat

K.T./A.M./Shqiptarja.com

TAG:
• itali
• QSUT
• Aurel Vula
• spak
• ANTIMAFIA ITALIANE
• Vladimir Peto
• Ilir Broqaj
• Ndue Pulaj