KORCE - Rreth 40 objekte të dyshuara vepra arti janë trafikuar nga Greqia për në Shqipëri nga një 44-vjeçar korçar i cili është shpallur në kërkim. Sipas një njoftimi zyrtar të Policisë, Lluka Binjaku me banim në fshatin Ravonik, akuzohet se në periudha të ndryshme nga trafikuar objektet nga shteti grek për në vendin tonë përmes pikës kufitare të pashoqëruara me dokument deklarues.
 
Sipas Policisë, 44-vjeçari ka pasur qëllim shitjen e tyre kundrejt vlerave të konsiderueshme të parave. Ndërkohë, blutë e Korçës po hetojnë për zbulimin e personave të tjerë të përfshirë në trafikun e veprave të artit dhe të kulturës, siç mund të jenë punonjës të kufirit.
 
Lluka Binjaku akuzohet edhe për armëmbajtje pa leje, pasi në banesë ju gjetën armë të ftohta.
 
Objektet e sekuestruara në banesën e Binjakut
13 ikona kishtare.
3  panaorama.
1 tabaka material me ngjyrë si ajo e argjendit.
1 pasqyrë,  ku pjesa e pasme  është  material metalik, me ngjyrë si ajo e argjendit.
5 pjata të lugëta, material metalik me ngjyre si ajo e argjendit  dhe ajo e bakrit.
3  disqe,  material metalik  dhe  prej druri.
2  vepra, punime druri.
1 medalion metalik, me ngjyrë si ajo e bronxit.
1 ibrik , material metalik me ngjyrë si ajo e bakrit.
5 ora tavoline,  material metalik,  me ngjyrë si ajo e bronxit.
2  kama me tehe, me përmasa   nga 30 cm secila .

vepra arti

vepra arti

Redaksia Online
(Gre.M/Shqiptarja.com)